ஷூட்டிங் லேட்டாகுவதால் விடாமுயற்சி படத்திற்கு பிரபல நடிகை நோ சொல்லி விட்டதாக தகவல் வெளியாகியுள்ளது.
தென்னிந்திய சினிமாவில் முன்னணி நடிகராக வலம் வருபவர் அஜித் குமார். இவரது நடிப்பில் அடுத்ததாக விடாமுயற்சி என்ற திரைப்படம் உருவாக உள்ளது. மகிழ் திருமேனி இயக்கத்தில் உருவாக உள்ள படத்தில் அஜித்துக்கு ஜோடியாக திரிஷா நடிக்கிறார் என்று தகவல் வெளியாகி வந்தன.
இது குறித்து அதிகாரப்பூர்வ அறிவிப்பு ஏதும் வெளியாகவில்லை என்றாலும் இது கிட்டத்தட்ட உறுதியான தகவலாகவே இருந்து வந்தது. ஆனால் இந்த படத்தின் ஷூட்டிங் தொடர்ந்து தாமதமாகி வருவதால் திரிஷா இந்த படத்திற்கு கொடுத்த கால்சீட்டை வேறொரு படத்துக்கு கொடுத்து விட்டதாக தகவல் வெளியாகியுள்ளது.
இதனால் விடாமுயற்சி படத்தில் திரிஷாவுக்கு பதிலாக யார் நடிப்பார்? அல்லது படக்குழு திரிஷாவிடம் பேச்சு வார்த்தைகள் நடத்தி சம்மதிக்க வைப்பார்களா என்ற கேள்வி எழுந்துள்ளது.
விரைவில் இது குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. திரிஷா விஜயுடன் இணைந்து லியோ படத்தில் நாயகியாக நடித்துள்ளார் என்பது குறிப்பிடத்தக்கது.