தனுஷ் நடித்த திருச்சிற்றம்பலம் படத்தின் வெளியீட்டை முன்னிட்டு ரசிகர்கள் இலவசமாக ஒரு லிட்டர் பெட்ரோலை புட் டெலிவரி செய்யும் ஊழியர்களுக்கு கொடுத்து கௌரவித்துள்ளனர்.
மித்ரன் ஜவஹர் இயக்கத்தில் தனுஷ் நடித்திருக்கும் திருச்சிற்றம்பலம் திரைப்படம் இன்று திரையரங்கில் வெளியாகியுள்ளது. இப்படத்தில் நித்யா மேனன், பிரியா பவானி, சங்கர், ராஷி கண்ணா, பாரதிராஜா, பிரகாஷ்ராஜ் உள்ளிட்டோர் இத்திரைப்படத்தில் நடித்துள்ளனர். நீண்ட இடைவேளைக்கு பிறகு அனிருத் தனுஷ் படத்திற்கு இசையமைத்துள்ளார்.
தொடர்ந்து தனுஷ் நடிப்பில் வெளியான ஜகமே தந்திரம், மாறன், அத்ராங்கி ரே, தி கிரே மேன் ஆகிய நான்கு படங்கள் ஒ,டி,டி தளங்களில் வெளியானதால் தனுசு ரசிகர்கள் மன வருத்தத்தில் இருந்தனர். ஆனால் தற்பொழுது தனுஷின் திருச்சிற்றம்பலம் திரைப்படம் திரையரங்கில் வெளியானதை மகிழ்ச்சியோடு பிளக்ஸ், பேனர்கள் போன்றவற்றை வைத்து தனுசு ரசிகர்கள் திரையரங்குகளில் கொண்டாடி வருகின்றனர்.
மேலும் இப்படத்தில் ஃபுட் டெலிவரி பாய்யாக நடித்திருக்கும் நடிகர் தனுஷ் அவர்கள் படும் கஷ்டங்களை இப்படத்தின் மூலம் அனைவருக்கும் தெரியப்படுத்தியுள்ளார். இந்நிலையில் நெல்லை மாவட்டத்தில் உள்ள ஃபுட் டெலிவரி செய்யும் ஐம்பது ஊழியர்களுக்கு தனுஷ் ரசிகர்கள் இலவசமாக ஒரு லிட்டர் பெட்ரோல் வழங்கி அவர்களை கௌரவித்துள்ளனர். இந்த தகவல் தற்பொழுது வைரலாகி வருகிறது.
