நடிகர் விஜயகாந்த் காலமானதாக மியாட் மருத்துவமனை தெரிவித்துள்ளது.
தமிழ் சினிமாவில் நடிகராக வலம் வந்து மக்கள் மத்தியில் மிகப்பெரிய வரவேற்பு பெற்றவர் கேப்டன் விஜயகாந்த். அதன் பிறகு தேமுதிக என்ற கட்சியை தொடங்கி அரசியலிலும் ஈடுபட்டு வந்த இவர் கடந்த சில வருடங்களாகவே உடல் நலக் குறைபாடு காரணமாக வீட்டில் முடங்கி இருந்தார்.
கடந்த ஒரு மாதமாகவே மருத்துவமனையில் தீவிர சிகிச்சை பெற்று வந்த விஜயகாந்த் ஓரளவிற்கு குணமடைந்து வீடு திரும்பினார். அதன் பிறகு தேமுதிகவின் பொதுச் செயலாளராக விஜயகாந்த் முன்னிலையில் பதவி ஏற்றுக்கொண்டார் பிரேமலதா விஜயகாந்த்.
இந்த நிலையில் மீண்டும் விஜயகாந்துக்கு உடல் நல குறைபாடு ஏற்பட்டு மருத்துவமனையில் அனுமதிக்கப்பட்டார். அவருக்கு கொரோனா தொற்று ஏற்பட்டு இருப்பதாகவும் வெட்டிலேட்டர் உதவியுடன் சுவாசித்து வருவதாகவும் தகவல் வெளியான நிலையில் தற்போது விஜயகாந்த் சிகிச்சை பலனின்றி உயிரிழந்ததாக மியாட் மருத்துவமனை அறிவித்துள்ளது.
விஜயகாந்தின் மறைவு செய்தி திரையுலகினர் மற்றும் அரசியல் வட்டாரத்தில் பெரும் சோகத்தையும் அதிர்ச்சியையும் ஏற்படுத்தி உள்ளது. ரசிகர்கள் பலரும் கண்ணீருடன் அஞ்சலி கூறி வருகின்றனர்.
