பல வருடங்களுக்குப் பிறகு அஜித்துடன் ஜோடி சேர உள்ளார் பிரபல நடிகை.
தென்னிந்திய சினிமாவில் பிரபல நடிகராக வலம் வருபவர் அஜித் குமார். இவரது நடிப்பில் வலிமை திரைப்படம் வெளியானதை தொடர்ந்து அடுத்த வருட பொங்கலுக்கு துணிவு என்ற திரைப்படம் வெளியாக உள்ளது. இந்தப் படத்தில் மஞ்சு வாரியர், சமுத்திரகனி, சிபி சந்திரன் என பல முக்கிய நட்சத்திரங்கள் இணைந்து நடித்துள்ளனர்.
வினோத் இயக்கத்தில் போனி கபூர் தயாரிப்பில் உருவாகியுள்ள இந்த படத்தைத் தொடர்ந்து அஜித் அடுத்ததாக விக்னேஷ் சிவன் இயக்கத்தில் உருவாக உள்ள 62 ஆவது படத்தில் நடிக்க உள்ளார். லைக்கா நிறுவனத்தின் தயாரிப்பில் உருவாகும் இந்த படத்தில் படப்பிடிப்புகள் விரைவில் தொடங்கும் என எதிர்பார்க்கப்படுகிறது.
இந்த நேரத்தில் தற்போது அஜித் 62 படத்தில் அஜித்துக்கு ஜோடியாக நடிகை நயன்தாரா நடிப்பார் என சொல்லப்பட்டு வந்த நிலையில் இந்த படத்தில் அவர் நடிக்கவில்லை என தெரியவந்துள்ளது.
ஆமாம் அஜித் 62 படத்தில் பல வருடங்களுக்குப் பிறகு மீண்டும் அஜித்துடன் இணைந்து நடிகை திரிஷா நடிக்க இருப்பதாக தகவல்கள் வெளியாகி உள்ளன. வெகு விரைவில் இதுகுறித்த அதிகாரப்பூர்வ அறிவிப்பு வெளியாகும் என சொல்லப்படுகிறது.
