தான் எடுக்கும் படங்களை ஓடிடி தளத்தில் ஒருபோதும் வெளியிட மாட்டேன் என்று பத்திரிகையாளர்களிடம் கூறியுள்ளார் நடிகர் ஆர்கே.
எல்லாம் அவன் செயல் படத்தின் மூலம் மக்களிடையே பிரபலமானவர் நடிகர் ஆர்கே. அதனைத் தொடர்ந்து வைகை எக்ஸ்பிரஸ், என் வழி தனி வழி போன்ற படங்களையும் இயக்கியுள்ள இவர் கடைசியாக இளையதளபதி விஜய் நடிப்பில் வெளியான ஜில்லா படத்தில் வில்லனாகவும் நடித்துள்ளார்.அதன் பிறகு இவரை தமிழ் சினிமாவில் சில வருடங்களாகவே பார்க்க முடியவில்லை .
இந்நிலையில் சமீபத்தில் பத்திரிக்கையாளர்களிடம் பேட்டியளித்த நடிகர் ஆர்கே. தான் கொரோனாவால் பாதிப்படைந்து இருந்ததாகவும் தற்போது சரியாகி விட்டதாகவும் கூறியுள்ளார்.பின்னர் எப்போதும் சினிமாவில் என்னுடைய கவனம் இருந்து கொண்டே தான் இருக்கும் என்றும் தற்போது தனது அடுத்த படத்திற்கான பணியை கூடிய விரைவில் தொடங்க இருப்பதாகவும் பதில் அளித்துள்ளார்.
மேலும் அவர் தான் எடுக்கும் படத்தை திரையரங்கில் மட்டும்தான் வெளியிடுவேன். ஒருபோதும் ஓடிடி தளத்தில் வெளியிட மாட்டேன் என்றும், தான் எடுக்கக்கூடிய படம் கே ஜி எஃப் 2 படத்தைப் போல பிரம்மாண்டத்திற்கு குறைவில்லாமல் தான் எடுக்கப்பட்டு வருகிறது என்று பத்திரிக்கையாளர்களிடம் பகிரங்கமாக கூறியுள்ளார்.