கால்பந்து போட்டியில் அசால்ட் காட்டி பதக்கத்தை வென்றுள்ளார் ஆத்விக் அஜித் குமார்.
தமிழ் சினிமாவில் முன்னணி நடிகராக வலம் வருபவர் அஜித் குமார். இவரது நடிப்பில் வெளியாகி ரசிகர்கள் மத்தியில் நல்ல வரவேற்பு பெற்ற துணிவு படத்தை தொடர்ந்து தற்போது விடாமுயற்சி திரைப்படம் உருவாகி வருகிறது.
இந்த படத்தில் அஜித்துக்கு ஜோடியாக திரிஷா நடித்து வருகிறார். அது மட்டுமல்லாமல் இன்னும் பலர் இணைந்து நடித்து வருகின்றனர். அஜித் நடிப்பு மட்டுமல்லாமல் விளையாட்டு, துப்பாக்கி சூடுதல் மற்றும் பைக் ரேஸ், கார் ரேஸ் போன்றவற்றில் ஆர்வம் அதிகம்.
அதேபோல் அஜித்தின் மகன் ஆத்விக் விளையாட்டில் அதிக கவனம் செலுத்தி வருகிறார். இந்த நிலையில் தற்போது பள்ளியில் நடைபெற்ற கால்பந்து போட்டியில் விளையாடி பதக்கம் வென்றுள்ளார். இது குறித்த புகைப்படங்கள் இணையத்தில் வெளியாகி வைரலாகி ரசிகர்கள் மத்தியில் பாராட்டுகளை பெற்று வருகிறது.
