ஒரே நேரத்தில் தளபதி 68 மற்றும் தளபதி 69 படங்களின் இயக்குனர்கள் குறித்த தகவல் தெரிய வந்துள்ளது.
தென்னிந்திய சினிமாவில் பிரபல நடிகராக வலம் வருபவர் தளபதி விஜய். இவரது நடிப்பில் தற்போது வாரிசு திரைப்படம் உருவாகி வருகிறது. இந்த படத்தை வம்சி இயக்குகிறார்.
வாரிசு படத்தை தொடர்ந்து தளபதி விஜய் அடுத்ததாக லோகேஷ் கனகராஜ் இயக்கத்தில் உருவாக உள்ள படத்தில் நடிக்க உள்ளார். இந்த படத்துக்கான ஏற்பாடுகள் விறுவிறுப்பாக நடந்து வருவதாக சொல்லப்படுகிறது. இந்த நிலையில் விஜயின் அடுத்த இரண்டு படங்கள் குறித்த அப்டேட் தெரிய வந்துள்ளது.
அதாவது தளபதி 68 படத்தை டான் திரைப்படத்தை இயக்கிய சிபி சக்கரவர்த்தி இயக்கலாம் என சொல்லப்படுகிறது. இதற்கான பேச்சுவார்த்தைகள் நடைபெற்று வருவதாக தகவல்கள் வெளியாகி உள்ளன. மேலும் இவர்கள் இணையும் படத்தை லைக்கா நிறுவனம் தயாரிக்க உள்ளதாகவும் கூறப்படுகிறது.
அதுமட்டுமல்லாமல் அடுத்ததாக தளபதி விஜய் நடிப்பில் உருவாக உள்ள 69 ஆவது படத்தை சிறுத்தை சிவா இயக்கப் போவதாகவும் சன் பிக்சர்ஸ் நிறுவனம் இந்த படத்தை தயாரிக்கப் போவதாகவும் தகவல்கள் கிடைத்துள்ளன. இப்படி விஜயின் அடுத்தடுத்த படங்கள் குறித்த தகவல்கள் வெளியாகி இருப்பது ரசிகர்களை கொண்டாட வைத்துள்ளது.
