வாடிவாசல் படம் தொடங்குவதற்கு முன்னரே சூர்யா வேறொரு படத்தில் அரசியல்வாதியாக நடிக்க இருப்பதாக தகவல்கள் வெளியாகியுள்ளன.
Suriya Next Movie Update : தமிழ் சினிமாவின் பிரபல நடிகராக வலம் வருபவர் சூர்யா. இவரது நடிப்பில் தற்போது சூரரைப்போற்று என்ற திரைப்படம். இந்தத் திரைப்படத்தை இறுதிச்சுற்று படத்தின் இயக்குனரான சுதா கொங்கரா இயக்கியுள்ளார்.
ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ள இப்படம் திரையரங்குகளில் வெளியாகும் என எதிர்பார்க்கப்பட்ட நிலையில் காலத்தின் கட்டாயத்தால் OTT வழியில் அக்டோபர் 30ஆம் தேதி வெளியாகிறது.
இந்தப் படத்தை தொடர்ந்து நடிகர் சூர்யா வெற்றிமாறன் இயக்கத்தில் வாடிவாசல் என்ற படத்தில் நடிப்பார் என எதிர்பார்க்கப்பட்ட நிலையில், படத்திற்கு முன்னதாக பாண்டிராஜ் இயக்கத்தில் ஒரு படத்தில் நடிக்க திட்டமிட்டுள்ளார்.
அதுவும் இப்படத்தில் நிஜத்தில் சூர்யா எப்படி பள்ளி மாணவர்களுக்காகவும் அரசியல் பிரச்சினைகள் குறித்தும் குரல் எழுப்பி வருகிறாரோ அதை கதாபாத்திரமாகவே வைத்து இந்த படத்தை உருவாக்க உள்ளனர்.
இந்த கதாபாத்திரம் சூர்யாவுக்கு கச்சிதமாக பொருந்தும் என்பதால் வெகு வரைவில் படத்தை முடித்து ரிலீஸ் செய்ய படக்குழு திட்டமிட்டு வருவதாக கூறப்படுகிறது.
