தமிழ் சினிமா ரசிகர்களுக்கு அதிர்ச்சி மேல் அதிர்ச்சி அளிக்கும் தகவலாக எஸ்பிபி உடல்நிலை மீண்டும் கவலைக்கிடமாக இருப்பதாக மருத்துவமனை நிர்வாகம் தெரிவித்துள்ளது.
SPB Health in Critical Stage : சீனாவில் தோன்றிய கொரோனா வைரஸ் உலக நாடுகள் அனைத்தையும் அச்சுறுத்தி வருகிறது. இந்த வைரஸ் தாக்குதலால் இதுவரை தமிழகத்தில் கிட்டத்தட்ட 6 லட்சம் பேர் பாதிக்கப்பட்டுள்ளனர். 5 லட்சத்திற்கும் அதிகமானோர் குணமடைந்துள்ளனர்.
இருப்பினும் திரையுலகைச் சேர்ந்த பிரபலங்கள் கரோனா வைரஸ் தொற்றால் தொடர்ந்து பாதிக்கப்பட்டு வருவது ரசிகர்களுக்கு அதிர்ச்சி கொடுத்து வருகிறது.
கடந்த ஒரு மாதமாகவே எஸ்பிபி பாலசுப்ரமணியம் அவர்கள் கொரானா வைரஸ் தொற்றால் பாதிக்கப்பட்டு தீவிர சிகிச்சையில் இருந்து வந்த நிலையில் கடந்த ஒரு வாரமாக தான் அவரது உடல்நிலையில் கொஞ்சம் கொஞ்சமாக முன்னேற்றம் காணப்பட்டு வந்தது.
இந்த நிலையில் இன்று திடீரென மீண்டும் எஸ்பிபி உடல்நிலை மீண்டும் கவலைக்கிடமாகி இருப்பதாக மருத்துவமனை தரப்பில் இருந்து தகவல் வெளியாகியுள்ளது.
இதனால் ரசிகர்கள் திரையுலக பிரபலங்கள் என பலரும் அதிர்ச்சி அடைந்துள்ளனர். கேப்டன் விஜயகாந்துக்கு கொரானா வைரஸ் தொற்று ஏற்பட்டு இருப்பதும் அனைவருக்கும் அதிர்ச்சியை கொடுத்துள்ளது.