இயக்குநர் பாலாவும் அவரது மனைவி விவாகரத்து குறித்த அதிர்ச்சிகர தகவல் வெளியாகியுள்ளது.
Reasons for Director Bala Divorce : தமிழ் சினிமாவின் பிரபல இயக்குனர்களில் ஒருவராக வலம் வருபவர் பாலா. தனக்கே உரித்தான தனி ஸ்டைலில் படங்களை இயக்கி ரசிகர்கள் மத்தியில் பிரபலமானவர். இவரது படங்களை அவ்வளவு எளிதாக புரிந்து கொள்ள முடியாது. அதேபோல்தான் பாலாவும்.
கடந்த 2004-ஆம் ஆண்டு முத்து மலர் என்பவரை திருமணம் செய்துகொண்டார் பாலா. இருவருக்கும் இரண்டு குழந்தைகள் உள்ளன. இந்த நிலையில் கடந்த பிப்ரவரி 5ஆம் தேதி இருவரும் சட்டரீதியாக விவாகரத்து பெற்று பிரிந்துவிட்டனர். இதற்கான காரணம் தற்போது தெரியவந்துள்ளது.
பாலா எப்போதும் அமைதியாகவே இருப்பாராம். என்னேரமும் படத்தைப் பற்றிய சிந்தனை மட்டுமே அவருக்கும் ஓடிக்கொண்டிருக்கும். மனைவி மற்றும் குழந்தைகளுடன் பெரிதாக பேச மாட்டாராம். முதலில் வாழ்வைப் புரிந்துகொள்ள மிகவும் கஷ்டப்பட்ட அவரது மனைவி போகப்போக அவரைப் புரிந்து கொண்டு அவருக்கு ஏற்ற மனைவியாக தன்னை மாற்றிக் கொண்டுள்ளார்.
இருந்தாலும் பாலா மனைவி மற்றும் குழந்தைகளுடன் பெரிதாக பேசிக்கொள்ளாமல் இருந்ததால் இருவருக்கும் இடையே கருத்து வேறுபாடு ஏற்பட்டதாக சொல்லப்படுகிறது. இதனால் கிட்டத்தட்ட நான்கு வருடங்களாகவே இருவரும் பிரிந்து வாழ்ந்து வந்துள்ளனர். இந்த நிலையில் தான் விவாகரத்து வாங்கி சட்ட ரீதியாக பிரிந்துள்ளனர் என தகவல்கள் தெரிவிக்கின்றன. பதினேழு வருடங்களாக சேர்ந்து வாழ்ந்த தம்பதி பிரிந்திருப்பது திரையுலகில் அதிர்ச்சியை ஏற்படுத்தியுள்ளது.
