பண்டிகை முடிந்தும் மாஸ் காட்டும் பிரின்ஸ்.. இதுவரை மொத்தம் எவ்வளவு வசூல் தெரியுமா??

பண்டிகைகள் முடிந்தும் திரையரங்குகளில் பிரின்ஸ் திரைப்படம் நல்ல வசூல் செய்து வருவதாக தகவல் வெளியாகி உள்ளது.

தென்னிந்திய சினிமாவில் பிரபல நடிகராக வலம் வருபவர் சிவகார்த்திகேயன். சின்னத்திரையில் மிமிக்ரி ஆர்டிஸ்ட் ஆக பயணத்தை தொடங்கிய இவர் தொகுப்பாளர் காமெடி நடிகர் என படிப்படியாக வளர்ந்து இன்று தவிர்க்க முடியாத நடிகராக தடம் பதித்துள்ளார்.

இவரது நடிப்பில் டான் திரைப்படம் வெளியாகி மாபெரும் வெற்றியை பெற்றதை தொடர்ந்து தீபாவளி ஸ்பெஷலாக வெளியான திரைப்படம் தான் பிரின்ஸ். இரு நாடுகளின் ஒற்றுமையை பேசும் வகையில் வெளியான இந்த படம் கலவையான விமர்சனங்களை பெற்றிருந்தாலும் தொடர்ந்து வசூல் ரீதியாக நல்ல வரவேற்பை பெற்று வருகிறது.

குறிப்பாக படம் ரிலீஸ் ஆனதிலிருந்து தற்போது வரை உலகம் முழுவதும் சேர்த்து 50 கோடி ரூபாய் வரை வசூல் செய்திருப்பதாக தகவல் வெளிவந்துள்ளது. இது சிவகார்த்திகேயன் ரசிகர்களை மகிழ்ச்சி அடைய செய்துள்ளது.

பிரின்ஸ் திரைப்படத்தை தொடர்ந்து சிவகார்த்திகேயன் நடிப்பில் அயலான் திரைப்படம் வெளியாகும் என எதிர்பார்க்கப்படுகிறது.