இன்று மாலை அறிவிக்க இருக்கும் 68 வது தேசிய திரைப்பட விருதுகள் குறித்து சூர்யாவின் ரசிகர்கள் அதிக உற்சாகத்தில் உள்ளனர்.
நமது இந்திய அரசு நாடு முழுவதும் வெளியான சிறந்த திரைப்படங்களுக்கு ஆண்டுதோறும் விருதுகளை வழங்கி கலைஞர்களை பாராட்டியும், கௌரவ படுத்தியும் வருகின்றனர். அதேபோல் இந்த ஆண்டும் சிறந்த திரைப்படங்களுக்கான 68ஆவது தேசிய திரைப்பட விருதுகள் வழங்க உள்ளன. இது குறித்த தகவல்கள் இன்று மாலை டெல்லியில் அறிவிக்கப்பட இருக்கிறது.
இதில், கடந்த ஆண்டு வழங்கப்பட்ட தேசிய விருதில், நடிகர் தனுஷ், விஜய் சேதுபதி, இயக்குநர் வெற்றி மாறன், இசை அமைப்பாளர் டி.இமான், நடிகர் பார்த்திபன், குழந்தை நட்சத்திரம் நாகவிஷால் ஆகியோருக்கு தேசிய விருதுகள் அளிக்கப்பட்டன.
அதேபோல் இந்த ஆண்டு நடிகர் சூர்யா நடிப்பில் வெளியான 2 திரைப்படங்கள் அனைவரது கவனத்தையும் ஈர்த்து ஆஸ்கார் வரை சென்றிருக்கும் சூரரைப்போற்று மற்றும் ஜெய்பீம் படங்களுக்கு இந்த தேசிய விருது கிடைக்கும் என்று பெரிதும் எதிர்பார்க்கப்படுகிறது. அப்படி இப்படங்களுக்கு இந்த விருது கிடைத்தால் அது நாளை பிறந்தநாள் காணும் சூர்யாவுக்கு பிறந்தநாள் பரிசாக அமையும் என்று ரசிகர்கள் உற்சாகத்தில் உள்ளனர்.
