‘லவ் ஓ லவ்’ படப்பிடிப்பு நிறைவை கேக் வெட்டி கொண்டாடிய படக்குழு!

பவிஷ் நாராயண், நாக துர்கா, இயக்குநர் செல்வராகவன், கே.எஸ். ரவிக்குமார், வனிதா விஜயகுமார், ரம்யா, ஆதித்யா கதிர் உள்ளிட்ட பலர் நடித்துள்ள ‘Love Oh Love’ திரைப்படத்தின் முழு படப்பிடிப்பு பணிகள் வெற்றிகரமாக நிறைவடைந்துள்ளன.

மகேஷ் ராஜேந்திரன் எழுதி இயக்கியுள்ள இந்த படம், நவீன காதலை மையமாகக் கொண்ட ரொமான்டிக் எண்டர்டெய்னராக உருவாகியுள்ளது. பெரும்பாலான காட்சிகள் சென்னை நகரின் நகர்ப்புற அழகை வெளிப்படுத்தும் வகையில் படமாக்கப்பட்டுள்ளன. அதனைத் தொடர்ந்து, சில முக்கியமான காட்சிகள் ஊட்டியிலும் படமாக்கப்பட்டுள்ளன.

சமீபத்தில் வெளியான இப்படத்தின் First Look-ஐ நடிகர் விஜய் சேதுபதி வெளியிட்டது ரசிகர்களிடையே பெரும் வரவேற்பைப் பெற்றது. அவரது வாழ்த்துகள் மற்றும் ஆதரவு, படத்தின் மீதான எதிர்பார்ப்பை மேலும் உயர்த்தியுள்ளது.

Zinema Media and Entertainment Ltd தயாரிப்பில் உருவாகும் இந்த படத்தை தினேஷ் ராஜ் தயாரிக்க, Creative Entertainers & Distributors சார்பில் G. தனஞ்ஜெயன் இணைந்து தயாரித்துள்ளார்.

‘நிலவுக்கு என்மேல் என்னடி கோபம்’ மூலம் கவனம் பெற்ற பவிஷ் நாராயணன் இப்படத்தில் கதாநாயகனாக நடித்துள்ள நிலையில், தெலுங்கு யூடியூப் உலகில் பிரபலமான நாக துர்கா கதாநாயகியாக அறிமுகமாகிறார்.

இசையை FOXn (பிரதீப் PJ & Wayne Pavey) அமைத்துள்ளனர். ஒளிப்பதிவை P.G. முத்தையா கவனித்துள்ள நிலையில், தேசிய விருது பெற்ற N.B. ஸ்ரீகாந்த் எடிட்டிங்கை மேற்கொண்டுள்ளார். கலை இயக்கத்தை P. மகேந்திரன் செய்துள்ளார்.

படப்பிடிப்பு முழுவதிலும் தயாரிப்பாளர்கள் நேரடியாக ஈடுபட்டு, இயக்குநரின் கண்ணோட்டத்திற்கு ஏற்ப படம் சிறப்பாக உருவாகியுள்ளதாக அவர்கள் தெரிவித்துள்ளனர்.

தற்போது பின்னணி பணிகள் தீவிரமாக நடைபெற்று வரும் நிலையில், ‘Love Oh Love’ திரைப்படம் 2026 கோடை காலத்தில் திரையரங்குகளில் வெளியாகவுள்ளது.

இளைஞர்களின் உறவுகளை நவீன பார்வையில், உணர்ச்சிபூர்வமாகவும் மனதைத் தொடும் விதமாகவும் சொல்லும் இந்த படம், அனைத்து தரப்பு ரசிகர்களையும் கவரும் என படக்குழு நம்பிக்கை தெரிவித்துள்ளது.