தளபதி 66 படத்தின் ஷூட்டிங் தொடங்கி விட்டதாக தகவல் வெளியாகி உள்ளது.
Latest Update on Vijay 66 : தமிழ் சினிமாவின் முன்னணி நடிகராக வலம் வருபவர் தளபதி விஜய். இவரது நடிப்பில் நெல்சன் திலீப் குமார் இயக்கத்தில் உருவாகியுள்ள பீஸ்ட் திரைப்படம் நாளை உலகம் முழுவதும் வெளியாக உள்ளது.
இந்த படத்தை தொடர்ந்து தளபதி விஜய் அடுத்ததாக தமிழ் மற்றும் தெலுங்கு என இரண்டு மொழிகளில் உருவாகவுள்ள படத்தில் நடிக்கிறார். தில் ராஜு படத்தை தயாரிக்க வம்சி இயக்குகிறார். மேலும் இந்த படத்தில் ராஷ்மிகா மந்தனா நாயகியாக நடிக்க ஒப்பந்தமாகியுள்ளார். தமன் இப்படத்திற்கு இசையமைக்கிறார்.
இப்படத்தின் பூஜை சமீபத்தில் நடந்து முடிந்த நிலையில் நேற்று இந்த படத்தின் ஷூட்டிங் சென்னையில் உள்ள கோகுலம் ஸ்டூடியோவில் தொடங்கியுள்ளது. முதலில் விஜய் மற்றும் ராஷ்மிகா மந்தனா இருவரையும் வைத்து பாடல் காட்சிகள் படமாக்கப்படுகின்றன.
இதற்கு ஷோபி மாஸ்டர் நடனம் அமைக்கிறார் என தகவல் வெளியாகி உள்ளது. இப்படி அடுத்தடுத்த படங்களில் விஜய் நடித்து வருவது அவரது ரசிகர்கள் மத்தியில் மிகப்பெரிய உற்சாகத்தை ஏற்படுத்தியுள்ளது.
