ஜெய்லர் திரைப்படத்தின் இசை வெளியீட்டு விழா குறித்த அப்டேட்டை படக்குழு வெளியிட்டுள்ளது.
தமிழ் சினிமாவில் தவிர்க்க முடியாத முன்னணி இயக்குனர்களில் ஒருவராக வலம் வரும் நெல்சன் திலீப்குமார் இயக்கத்தில் நடிகர் சூப்பர் ஸ்டார் ரஜினிகாந்த் நடிப்பில் உருவாகி இருக்கும் ஜெயிலர் திரைப்படம் வரும் ஆகஸ்ட் 10ஆம் தேதி உலக அளவில் வெளியாக உள்ளது. மோகன்லால், ஜாக்கி ஷெராப், சிவராஜ்குமார், ரம்யா கிருஷ்ணன், யோகி பாபு, சுனில், தமன்னா, விநாயகன், வசந்த் ரவி உள்ளிட்ட பல முன்னணி நட்சத்திரங்கள் முக்கியமான கதாபாத்திரங்களில் நடித்திருக்கும் இப்படத்தை சன் பிக்சர்ஸ் நிறுவனம் தயாரித்துள்ளது.
அனிருத் இசையமைப்பில் உருவாகி இருந்த இப்படத்தின் இரண்டு பாடல்கள் சமீபத்தில் வெளியாகி தற்போது வரை இணையதளத்தை அதிர விட்டு வருகிறது. இந்த நிலையில் ரசிகர்களை மேலும் உற்சாகப்படுத்தும் வகையில் ஜெயிலர் திரைப்படத்தின் பிரம்மாண்ட இசை வெளியீட்டு விழா வரும் ஜூலை 28ஆம் தேதி சென்னை நேரு உள் விளையாட்டு அரங்கத்தில் நடைபெற இருப்பதாக ஸ்பெஷல் வீடியோவுடன் படக்குழு அறிவித்துள்ளது. இந்த தகவலுக்கு ரசிகர்கள் லைக்குகள் மற்றும் கமெண்ட்களை குவித்து வைரலாக்கி வருகின்றனர்.
