குட் பேட் அக்லி திரைப்படம் பற்றிய தகவல் வெளியாகி உள்ளது.
தமிழ் சினிமாவில் பிரபல நடிகராக வலம் வருபவர் அஜித் குமார். இவரது நடிப்பில் தற்போது விடாமுயற்சி என்ற திரைப்படம் உருவாகி வருகிறது. இந்த படத்தின் இறுதி கட்ட படப்பிடிப்புகள் நடைபெற்று வரும் நிலையில் அஜித்தின் அடுத்த படம் பற்றிய அறிவிப்பு நேற்று வெளியானது.
அந்த அறிவிப்பில் மைத்திரி மூவிஸ் நிறுவனம் தயாரிக்கும் இந்த படத்தை ஆதிக் ரவிச்சந்திரன் இயக்க தேவி ஸ்ரீ பிரசாத் இசையமைக்க இருப்பதாகவும் அறிவிக்கப்பட்டது. மேலும் இந்த படத்திற்கு குட் பேட் அக்லி என டைட்டில் வைத்ததோடு படம் 2025 ஆம் ஆண்டு பொங்கலுக்கு வெளியாகும் எனவும் அறிவிக்கப்பட்டது.
இந்த நிலையில் தற்போது இந்த படம் பற்றிய விவாதங்கள் தான் சமூக வலைதளங்களை அக்கிரமிக்க தொடங்கியுள்ளன. அதாவது சிம்பு நடிப்பில் ஆதிக்க ரவிச்சந்திரன் இயக்கத்தில் வெளியான திரைப்படம் அன்பானவன் அசராதவன் அடங்காதவன்.
தோல்வியை தழுவிய இந்த படத்தை பாணியிலேயே அஜித் படத்தின் டைட்டில் அமைந்திருப்பதால் ஒருவேளை பார்ட் 2-வா இருக்குமோ என்ற கேள்வி ரசிகர்கள் மத்தியில் எழுந்துள்ளது.
மேலும் இந்த படத்தில் அஜித் மொத்தம் மூன்று வேடங்களில் நடிக்க இருப்பதாகவும் தகவல்கள் வெளியாகி உள்ளன.
