முன்னணி நடிகர் படத்தை பின்னுக்கு தள்ளிய அமரன்.. முழு விவரம் இதோ.!

முன்னணி நடிகர் படத்தை பின்னுக்கு தள்ளி அமரன் சாதனை படைத்துள்ளது.

தமிழ் சினிமாவில் முன்னணி நடிகர்களில் ஒருவராக வலம் வருபவர் சிவகார்த்திகேயன். இவரது நடிப்பில் அமரன் என்ற திரைப்படம் வெளியாகி மக்கள் மத்தியில் நல்ல வரவேற்பைப் பெற்றுள்ளது.

ராஜ்குமார் பெரியசாமி இயக்கத்திலும்,ராஜ்கமல் பிலிம்ஸ் நிறுவனம் தயாரிப்பிலும், உருவாகியுள்ள இந்த படத்திற்கு ஜிவி பிரகாஷ் இசையமைத்துள்ளார். மேலும் மறைந்த மேஜர் முகுந்த் வரதராஜன் அவர்களின் வாழ்க்கை வரலாற்று கதை மையமாக வைத்து இந்த திரைப்படம் எடுக்கப்பட்டது குறிப்பிடத்தக்கது.

இந்தப் படத்தில் சாய் பல்லவி மற்றும் சிவகார்த்திகேயனின் நடிப்பு அனைவரின் மனதை கவர்ந்துள்ளது என்றே சொல்லலாம். தற்போது இந்த படம் உலக அளவில் 300 கோடியை தாண்டி வசூல் வேட்டையாடி வருகிறது. இது மட்டும் இல்லாமல் தளபதி விஜய்யின் வாரிசு படத்தின் சாதனையை இந்த திரைப்படம் முறியடித்துள்ளது.

இந்த தகவல் இணையத்தில் வெளியாகி படு வைரலாகி வருகிறது.