350 கோடியை நெருங்கும் அமரன்.. பாக்ஸ் ஆபீஸில் படைத்த சாதனை..!

350 கோடியை நெருங்கியுள்ளது அமரன் திரைப்படம்.

தமிழ் சினிமாவில் முன்னணி நடிகர்களில் ஒருவராகவும், நம்ம வீட்டு பிள்ளை என ரசிகர்களால் கொண்டாடி வருபவர் சிவகார்த்திகேயன். இவரது நடிப்பில் தீபாவளியன்று அமரன் என்ற திரைப்படம் வெளியானது.

ராஜ்குமார் பெரியசாமி இயக்கத்திலும், ராஜ்கமல் பிலிம்ஸ் நிறுவனம் தயாரிப்பிலும் உருவாகியுள்ள இந்த படத்திற்கு ஜிவி பிரகாஷ் இசையமைத்துள்ளார். மறைந்த மேஜர் முகுந்து வரதராஜன் அவர்களின் வாழ்க்கை வரலாற்று கதையை மையமாக வைத்து இந்த திரைப்படம் எடுக்கப்பட்டது குறிப்பிடத்தக்கது. இந்தப் படத்தின் இறுதி காட்சிகள் பார்ப்பவரின் கண்களை குளமாக்கியது.

ரசிகர்கள் முதல் பிரபலங்கள் பொதுமக்கள் என அனைவராலும் கவரப்பட்டு மிகப்பெரிய வெற்றியை அடைந்துள்ளது. பிளாக்பஸ்டர் ஹிட் கொடுத்த இந்த திரைப்படம் தொடர்ந்து வசூலிலும் மிரட்டி வருகிறது.

உலக அளவில் இந்த திரைப்படம் 330 கோடியை தாண்டி வசூல் செய்து வரும் நிலையில் பொன்னியின் செல்வன் 2 படத்தின் உலகளாவிய வசூலை அமரன் முறியடிக்க உள்ளது. அதாவது உலக அளவில் பொன்னியின் செல்வன் 2 திரைப்படம் 345.76 கோடி வசூல் செய்துள்ளது. தற்போது அந்த வசூலை கடக்க இன்னும் 14.50 கோடி தேவை.

எனவே பொன்னியின் செல்வன் 2வை முறியடித்து 350 கோடியை எட்டுமா என்பதை பொறுத்திருந்து பார்க்கலாம். மேலும் அமரன் இந்தியாவில் மட்டும் 249.27 கோடிகள் வசூல் செய்துள்ளது. வெளிநாடுகளில் 82 கோடி வசூல் செய்துள்ளது குறிப்பிடத்தக்கது. இந்தத் தகவல் பாக்ஸ் ஆபீஸ் வட்டாரங்களில் வெளியாகி வைரலாகி வருகிறது.