விஜய் படத்தை பின்னுக்கு தள்ளிய அமரன்.. தெறிக்கவிடும் 12 நாள் வசூல்..!
விஜய் படத்தை பின்னுக்கு தள்ளியுள்ளது அமரன் படத்தில் வசூல்.
தமிழ் சினிமாவில் முன்னணி நடிகர்களில் ஒருவராக வலம் வருபவர் சிவகார்த்திகேயன். இவரது நடிப்பில் அமரன் திரைப்படம் தீபாவளி அன்று வெளியானது.
ராஜ்குமார் பெரியசாமி இயக்கத்திலும், ராஜ்கமல் பிலிம்ஸ் நிறுவனம் தயாரிப்பிலும், உருவாகியுள்ள இந்த படத்திற்கு ஜிவி பிரகாஷ் இசையமைத்துள்ளார். மறைந்த மேஜர் முகுந்த் வரதராஜன் அவர்களின் வாழ்க்கை வரலாற்று கதையை மையமாக வைத்து இந்த திரைப்படம் உருவானது குறிப்பிடத்தக்கது. மேஜர் முகுந்த் வரதராஜன் ஆக சிவகார்த்திகேயனும், அவரது மனைவி இந்து ரெபேக்கா வர்கீஸ் ஆக சாய் பல்லவியும் இந்த திரைப்படத்தில் வாழ்ந்திருக்கிறார்கள் என்றே சொல்லலாம்.
இந்தப் படத்தில் இறுதிக் காட்சி கண்களில் கண்ணீரை வர வைக்கிறது. மக்கள் பிரபலங்கள் என இந்த படத்தை அனைவரும் பாராட்டி வருகின்றனர். இந்நிலையில். இந்த படம் வெளியாகி 12 நாட்களில் 250 கோடிக்கும் மேல் வசூல் செய்துள்ளது. இதனால் விஜய் நடிப்பில் வெளியான சர்க்கார் மற்றும் மெர்சல் படத்தின் வசூலை பின்னுக்கு தள்ளி உள்ளது என்றே சொல்லலாம். இந்த தகவல் இணையத்தில் வெளியாகி வைரலாகி வருகிறது.
