ஹய்யோ.. புரிஞ்சுக்கோங்க ஃபேன்ஸ்: பாதிக்கப்பட்ட பிரதீப்புக்காக கயாடு லோஹர் ஃபீல்

இதனால், ரசிகர்களுக்கு கயாடு லோஹர் மீது கரிசனம். பிரதீப்புக்கு கண்டனம். ஏன் எப்டின்னா.. இதோ இப்டிதான்..

அஷ்வத் மாரிமுத்து இயக்கத்தில், பிரதீப் நடித்த ‘டிராகன்’ பட வெற்றியை கொண்டாடும் வகையில், கயாடு லோஹர் மற்றும் பிரதீப் இருவரும் யூடியூப் சேனலுக்கு பேட்டி அளித்து இருந்தனர்.

அப்போது அவர்களிடம் படம் குறித்து கேட்கப்பட்டது. அப்போது, தொகுப்பாளர், பிரதீப்பிடம் ‘லவ் டுடே’ படத்தில் வருவது போல, இருவரும் செல்போனை மாற்றிக்கொள்ள வேண்டும் என்று கூறினார்.

அப்போது பிரதீப், கயாடு போனில் “கயாடு லோஹர் தெலுங்கு சினிமாவின் உச்சத்தில் இருக்கும் நடிகை” என்று மீம்ஸ் கிரியேட் செய்திருப்பதை பார்த்து கலாய்த்தார். உங்களுக்கு நீங்களே மீம்ஸ் கிரியேட் செய்து கொள்வீர்களா? நீங்க தெலுங்கு சினிமாவின் உச்ச நடிகையா? என்று காமெடியாக கிண்டலடித்து இருந்தார்.

இந்நிகழ்வு இணையத்தில் வைரலாகி, ‘பிரதீப்பிற்கு தலைக்கனம் வந்துவிட்டது. 2 படம் தான் நடித்திருக்கிறீர்கள். அதற்குள் சாதித்தது போல பேசவேண்டாம் எனவும்…

‘ஒரு பேட்டியின்போது, சக நடிகையிடம் எப்படி நடந்துகொள்வது என்று கூடவா உங்களுக்கு தெரியாது’ என பலரும் பிரதீப்பை கடுமையாக விமர்சித்தனர்.

இதைக் கேள்விப்பட்ட ‘டிராகன்’ பட நடிகை கயாடு லோஹர் கூறியதாவது: ‘நாங்கள் அளித்த பேட்டி தொடர்பான விமர்சன வீடியோக்களை இணையத்தில் பார்த்து வேதனை அடைந்தேன். அந்த பேட்டியில், நீங்கள் பார்த்த அனைத்துமே காமெடிக்காக செய்தது.

அந்த பேட்டியின் சுவாரசியத்தை அதிகமாக்க நானும் பிரதீப்பும் முன்பே அதைப்பற்றி பேசி அனைவரையும் சிரிக்க வைக்க பிளான் பண்ண ஸ்கிரிப்ட் வொர்க்.

இதனால், நான் எந்த வகையிலும் பாதிக்கப்படவில்லை என்பதை தெரிவித்துக் கொள்கிறேன். இதனால், தேவையில்லாமல் நெகட்டிவான விஷயங்களை பரப்ப வேண்டாம், அது ஒரு நகைச்சுவையான பேட்டி, அதைப்பார்த்து சிரித்து மகிழ்ச்சி அடையுங்கள். என்னை ஆதரித்தவர்களுடைய அன்புக்கும் ஆதரவுக்கும் நன்றி’ என தெரிவித்துள்ளார்.

ஆக, அவங்க வேலையை அவங்க சரியா பண்றாங்க. இதில், வழக்கம்போல பாதிக்கப்படுவது ஆண் ரசிகர்களால் ஒரு ஆண் தான்.!