பார்வையாளர்களை வியப்பில் ஆழ்த்தும்:’டாக்ஸிக்’ படம் பற்றி ஹூமா குரேஷி நம்பிக்கை..
கீது மோகன்தாஸ் இயக்கத்தில் யாஷ் கதாநாயகனாக நடித்துள்ள ‘த டாக்ஸிக்’ படத்தில் கியாரா அத்வானி, நயன்தாரா, ஹூமா குரேஷி உள்பட பலர் பலர் நடித்துள்ளனர்.
கன்னடம், ஆங்கில மொழிகளில் உருவாகும் இப்படம் இந்தி, தெலுங்கு, தமிழ், மலையாளம் உள்ளிட்ட மொழிகளில் மொழி மாற்றம் செய்யப்பட்டு வெளியாகவுள்ளது. ஆக்ஷனுக்கு முக்கியத்துவம் கொடுத்து, இந்தப் படம் உருவாக்கப்பட்டு உள்ளது. இது தொடர்பாக நடிகை ஹுமா குரேஷி தெரிவிக்கையில்,
‘டாக்ஸிக் படம் பற்றி இப்போது என்னால் பேச முடியாது. அது பெரிய திரைப்படம். அது பற்றி இப்போது பேசுவது நியாயமற்றது. அந்தப் படத்துக்குச் சிறப்பான அறிமுகம் தேவை என நினைக்கிறேன்.
தயாரிப்பாளர்கள் திட்டமிட்டுள்ள நேரத்தில் அதுபற்றி பேசுவேன். என்றாலும் இந்தியாவின் மிகப்பெரிய படமாக ‘த டாக்ஸிக்’ இருக்கப் போகிறது. அது பார்வையாளர்களை நிச்சயமாக வியப்பில் ஆழ்த்தும். இதை ஒரு ரசிகையாகச் சொல்கிறேன்’ என தெரிவித்துள்ளார்.
