அரசியல் அறிவிப்புக்கு பிறகு பெற்றோரை சந்தித்துள்ளார் விஜய்.
தமிழ் சினிமாவில் முன்னணி நடிகராக வலம் வருபவர் தளபதி விஜய். தற்போது வெங்கட் பிரபு இயக்கத்தில் உருவாக்கி வரும் கோட் படத்தில் நடித்து வரும் இவர் அடுத்ததாக வினோத் இயக்கத்தில் உருவாக உள்ள படத்தில் நடிக்க உள்ளார்.
அதன் பிறகு 2026 ஆம் ஆண்டு நடைபெற உள்ள சட்டமன்றத் தேர்தலில் போட்டியிட உள்ளார். தமிழக வெற்றி கழகம் என்ற பெயரில் புதிய கட்சியை தொடங்கியுள்ள விஜய் அரசியலுக்காக கட்சியை வலுப்படுத்தும் வேலையில் ஈடுபட்டு வருகிறார்.
மேலும் இவர் அப்பாவுடன் ஏற்பட்ட கருத்து வேறுபாடு காரணமாக அவரை சந்திக்காமல் பேசாமலும் இருந்து வந்த நிலையில் தற்போது தாய் தந்தையரை சந்தித்துள்ளார். அவர்களுடன் புகைப்படம் எடுத்துக் கொள்ள விஜய்யின் தந்தையும் இயக்குனருமான எஸ்.ஏ சந்திரசேகர் அந்தப் புகைப்படத்தை சமூக வலைதள பக்கத்தில் வெளியிட்டுள்ளார்.
