சர்வதேச பட விழாக்களில் 22 விருதுகளை வென்ற தமிழ்ப்படம்..
கமர்ஷியல் கதைகள் ஒருபுறம் வருந்தாலும், விருதுகளுக்கான கதைகளும் வந்து அங்கீகாரம் பெறுகின்றன. அவ்வகையில், முன்னதாக ஒளிப்பதிவாளர் செழியன் இயக்கிய ‘டூலெட்’ படம் சர்வதேச பட விழாக்களில் பல விருதுகளை குவித்தது தெரிந்ததே
இந்நிலையில் பையா, கருங்காலி, வி3 உள்பட பல படங்களில் வில்லன் கதாபாத்திரங்களில் நடித்த பொன்முடி திருமலைசாமி இயக்கிய படம், ‘பிஎம்டபிள்யூ 1991’.
இதில் பொன்முடியுடன் மணிமேகலை, சிறுவன் கவுதம், சாப்ளின் பாலு ஆகியோர் நடித்துள்ளனர். கிரீன் விஸ் சினிமா சார்பில் வில்வங்கா தயாரித்துள்ள இந்தப் படம் பல சர்வதேச திரைப்பட விழாக்களில் 22 விருதுகளைப் பெற்றுள்ளது.
படம் பற்றி பொன்முடி திருமலைசாமி தெரிவிக்கையில், ‘உலகம் முழுவதும் உள்ள அனைத்து மனிதர்களுக்கும் பொதுவான ஒன்று சைக்கிள். ஒரு காலத்தில் அதை வைத்திருப்பதே கவுரவமாகப் பார்க்கப்பட்டது. ஒரு காருக்கு நிகராக அதை பலர் கருதினார்கள். அதை மையப்படுத்தித் தான் இதன் கதையை உருவாக்கினேன். இந்தப் படத்தை திரையரங்குகளில் வெளியிடும் பணிகள் நடந்து வருகின்றன’ என்றார்.
சில நேரங்களில் பான் இந்தியா படங்கள் கடும் விமர்சனங்களுக்கு உள்ளாகிறது. சிறு பட்ஜெட் படங்கள் வரவேற்பு பெற்று விடுகிறது என்பதும் கவனிக்கத்தக்கதுதானே.
