விக்ரம் நடித்து வரும் தங்கலான் திரைப்படத்தின் நியூ அப்டேட் வெளியாகியுள்ளது.
தமிழ் திரையுலகில் முன்னணி நடிகராக வலம் வருபவர் நடிகர் விக்ரம். ரசிகர்களால் அன்புடன் சியான் என்று அழைக்கப்பட்டு வரும் இவர் பொன்னியன் செல்வன் 1 திரைப்படத்தின் வெற்றியை தொடர்ந்து பா.ரஞ்சித் இயக்கத்தில் உருவாகி வரும் தங்கலான் திரைப்படத்தில் தீவிரமாக நடித்து வருகிறார். ஜிவி பிரகாஷ் குமார் இசையமைப்பில் உருவாகி வரும் இப்படத்தில் விக்ரமுடன் இணைந்து மாளவிகா மோகனன், பார்வதி, பசுபதி உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்து வருகின்றனர்.
தீவிரமாக நடைபெற்று வரும் இப்படத்தின் படப்பிடிப்பு குறித்த லேட்டஸ்ட் தகவல் தற்போது இணையத்தில் வெளியாகியுள்ளது. அதன்படி இப்படத்தின் சண்டைக் காட்சிகளின் படப்பிடிப்பு தற்போது கே ஜி எஃப் என்னும் கோலார் கோல்டு ஃபீல்டு என்னுமிடத்தில் நடைபெற்று வருவதாகவும், இதன் படப்பிடிப்புகளை 40 நாட்களுக்கு நடத்த படக்குழு திட்டமிட்டு இருப்பதாகவும் தகவல் வெளியாகி இணையத்தில் வைரலாகி வருகிறது.
