தளபதி 67 படத்தின் அப்டேட் எப்போது வெளியாகும் என சூப்பர் தகவலை வெளியிட்டுள்ளார் இயக்குனர் லோகேஷ் கனகராஜ்.
தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் வெளியான வாரிசு திரைப்படம் கலவையான விமர்சனங்களை பெற்றாலும் வசூல் ரீதியாக மிகப்பெரிய வெற்றியை பெற்றது.
இந்த படத்தை தொடர்ந்து தளபதி விஜய் அடுத்ததாக லோகேஷ் கனகராஜ் இயக்கத்தில் உருவாக உள்ள 67வது படத்தில் நடிக்க உள்ளார். செவன் ஸ்கிரீன் ஸ்டுடியோஸ் நிறுவனம் தயாரிக்க உள்ள இந்த படத்திற்கு அனிருத் இசையமைக்கிறார்.
இந்தப் படத்தின் அதிகாரப்பூர்வ அறிவிப்பு இன்று வெளியாகும் என எதிர்பார்க்கப்பட்டது. இப்படியான நிலையில் லோகேஷ் கனகராஜிடம் ரசிகர்கள் தளபதியை 67 படம் குறித்து கேட்க அவர் ஒரே ஒரு ஹிண்ட் மட்டும் கொடுக்கிறேன் என சொல்லி பிப்ரவரி 1, 2, 3 ஞாபகம் வைத்துக் கொள்ளுங்கள் என தெரிவித்துள்ளார்.
இதனால் இந்த மூன்று நாளில் ஒரு நாள் படம் குறித்த அறிவிப்பு வெளியாகும் என எதிர்பார்க்கப்படுகிறது.
