சன் டிவி ஹீரோவுக்கும் விஜய் டிவி ஹீரோயினிக்கும் திருமணம் நடைபெற இருப்பதாக தகவல் வெளியாகி உள்ளது.
தமிழ் சின்னத்திரையில் 2 முக்கிய சேனல்களாக விளங்கி வருகிறது சன் டிவி மற்றும் விஜய் டிவி. சன் டிவியில் ஒளிபரப்பாகி வரும் பிரபலமான சீரியல் சிங்க பெண்ணே. ஒளிபரப்பாக தொடங்கிய விரைவிலேயே இந்த சீரியல் நம்பர் ஒன் இடத்தை பிடித்துள்ளது.
இந்த சீரியலில் ஹீரோவாக நடித்து வருகிறார் அமல் ஜித். அதேபோல் விஜய் டிவியில் ஒளிபரப்பாகி வரும் கண்ணான கண்ணே சீரியலில் நாயகி ஆக பானு என்ற கதாபாத்திரத்தில் நடித்து வருகிறார் பவித்ரா.
இவர்கள் இருவரும் அம்மன் என்ற சீரியல் இணைந்து நடித்த போது இருவருக்கும் இடையே காதல் ஏற்பட்டது. இந்த நிலையில் தற்போது பெற்றோர்களின் சம்பதத்துடன் இவர்களது திருமணம் நடைபெற இருப்பதாக தகவல் வெளியாகி உள்ளது. விரைவில் இந்த திருமணம் குறித்த அறிவிப்பு வெளியாகும் என எதிர்பார்க்கப்படுகிறது.