சிவகார்த்திகேயனின் பிரின்ஸ் படத்திற்கு சென்சார் போர்ட் U சான்றிதழ் வழங்கியுள்ளது. இது குறித்த புதிய போஸ்டர் வைரலாகி வருகிறது.

சிவகார்த்திகேயன் நடிப்பில் சமீபத்தில் வெளியாகி பிளாக்பஸ்டர் ஹிட் கொடுத்துள்ள ‘டான்’ திரைப்படம் மக்களிடையே நல்ல வரவேற்பை பெற்றுள்ளது. இதனைத் தொடர்ந்து தெலுங்கு இயக்குனர் அனுதீப் இயக்கத்தில் தயாராகி இருக்கும் ‘பிரின்ஸ்’ படத்தில் சிவகார்த்திகேயன் நடித்திருக்கிறார். தமிழ், தெலுங்கு என இரு மொழிகளில் உருவாகியுள்ள இப்படத்தில் முக்கிய கதாபாத்திரத்தில் சத்யராஜ், வெளிநாட்டு நடிகை மரியா ரியான்ஷாப்கா ஆகியோர் நடித்துள்ளனர்.

மனோஜ் பரமஹம்சா ஒளிப்பதிவு செய்துள்ள இப்படத்தை சுரேஷ் மற்றும் சாந்தி டாக்கீஸ் நிறுவனம் தயாரித்துள்ளது. சமீபத்தில் தமன் இசையில் வெளியான இப்படத்தின் இரண்டு பாடல்கள் ரசிகர்களிடம் நல்ல வரவேற்பை பெற்றிருந்ததை தொடர்ந்து இப்படத்திற்கான ட்ரெய்லர் சமீபத்தில் வெளியாகி ரசிகர்களின் மத்தியில் இப்படத்திற்கான எதிர்பார்ப்பை அதிகப்படுத்தி இருக்கிறது.

இந்நிலையில் வரும் அக்டோபர் 21ஆம் தேதி திரைக்கு வரும் வர இருக்கும் பிரின்ஸ் திரைப்படத்திற்கு “U” சான்றிதழ் வழங்கப்பட்டிருக்கிறது. மேலும் இப்படத்திற்கான ரன்னிங் டைம் 2 மணிநேரம் 23 நிமிடம் என்ற தகவலையும் குறிப்பிட்டு படக்குழு புதிய போஸ்டர் மூலம் தெரிவித்து இருக்கிறது.