பத்து நாளில் மாவீரன் படத்தின் மொத்த வசூல் எவ்வளவு என்பது குறித்த தகவல் வெளியாகி உள்ளது.
தமிழ் சினிமாவில் முன்னணி நடிகராக வலம் வருபவர் சிவகார்த்திகேயன். இவரது நடிப்பில் மண்டேலா பட இயக்குனர் மடோன் அஸ்வின் இயக்கத்தில் வெளியான திரைப்படம் மாவீரன். அதிதி சங்கர் நாயகியாக நடிக்க மிஷ்கின், சரிதா, யோகி பாபு உட்பட பலர் முக்கிய கதாபாத்திரங்களில் இணைந்து நடித்திருந்தனர்.
இந்த படத்திற்கு பரத் சங்கர் இசையமைத்திருந்தார். இரு வாரங்களுக்கு முன்னர் வெளியான திரைப்படம் தொடர்ந்து வசூல் ரீதியாக மக்கள் மத்தியில் வரவேற்பை பெற்று வருகிறது.
இந்த நிலையில் 10 நாள் முடிவில் திரைப்படம் தமிழகத்தில் மட்டும் 44 கோடி வசூல் செய்துள்ளதாக பாக்ஸ் ஆபீஸ் வட்டாரங்களில் இருந்து தகவல் கிடைத்துள்ளது. அது மட்டுமல்லாமல் பத்து நாளில் உலகம் முழுவதும் சேர்த்து கிட்டத்தட்ட 72 கோடி வசூல் செய்துள்ளது.
தொடர்ந்து மாவீரன் திரைப்படம் மக்கள் மத்தியில் வரவேற்பை பெற்று வசூல் வேட்டையாடி வருவதால் சிவகார்த்திகேயன் ரசிகர்கள் உற்சாகமடைந்துள்ளனர்.
