ஜெயிலர் திரைப்படத்தின் ரிலீஸ் தேதி குறித்த லேட்டஸ்ட் அப்டேட் வைரலாகி வருகிறது.
இந்திய திரை உலகில் தவிர்க்க முடியாத உச்ச நட்சத்திரமாக திகழ்ந்து கொண்டிருப்பவர் நடிகர் ரஜினிகாந்த். இவர் தற்போது நெல்சன் திலீப் குமார் இயக்கத்தில் உருவாகி வரும் ஜெய்லர் திரைப்படத்தில் நடித்து வருகிறார். அனிருத் இசையமைப்பில் உருவாகி வரும் இப்படத்தை சன் பிக்சர்ஸ் நிறுவனம் தயாரித்து வருகிறது.
இதில் ரஜினியுடன் இணைந்து, ரம்யா கிருஷ்ணன், தமன்னா, கன்னட நடிகர் சிவராஜ்குமார், மலையாள நடிகர் மோகன்லால், தெலுங்கு நடிகர் சுனில், இந்தி நடிகர் ஜாக்கி ஷெராப் என பல மொழி உச்ச நட்சத்திரங்கள் முக்கியமான கதாபாத்திரத்தில் நடித்து வருகின்றனர். பலத்த எதிர்பார்ப்புகளுக்கு மத்தியில் தற்போது சென்னையில் நடைபெற்று வரும் இப்படத்தின் படப்பிடிப்பு விரைவில் நிறைவடைய இருக்கும் நிலையில் இப்படம் வரும் ஆகஸ்ட் 15ஆம் தேதி வெளியாகும் என்ற தகவல் வெளியாகி வைரலாகி வருகிறது.
