விஜய் ரசிகர்களுக்கு அனிருத் செம சர்ப்ரைஸ் கொடுத்துள்ளார்.
தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் லோகேஷ் கனகராஜ் இயக்கத்தில் உருவாக உள்ள திரைப்படம் லியோ.
செவன் ஸ்கிரீன் ஸ்டுடியோஸ் நிறுவனத்தின் தயாரிப்பில் அனிருத் இசையமைப்பில் உருவாகும் இந்த படத்தில் விஜய்க்கு ஜோடியாக 14 வருடங்களுக்குப் பிறகு அவருடன் இணைந்துள்ளார் நடிகை திரிஷா.
மேலும் சஞ்சய் தத், மன்சூர் அலிகான், அர்ஜுன், கௌதம் மேனன், தாமஸ் மாதீவ், மிஷ்கின் உட்பட பலர் இந்த படத்தில் முக்கிய கதாபாத்திரங்களில் நடிக்கின்றனர்.
இந்த படத்தின் மோஷன் போஸ்டர் வெளியான போது இடம்பெற்ற பாடல் வரிகள் ரசிகர்களை வெகுவாக கவர்ந்த காரணத்தினால் அந்த பாடலை தனியாக வெளியிடுமாறு கோரிக்கை வைத்து வந்தனர்.
இதையடுத்து தற்போது அனிருத் அந்த பிளடி ஸ்வீட் பாடல் உருவான வீடியோவை வெளியிட்டுள்ளார். இந்த வீடியோ ரசிகர் பெரு மத்தியில் வைரலாகி பலரையும் கவர்ந்து வருகிறது.
