சமூக வலைதள பக்கத்தில் ரசிகர் போட்ட கிண்டலான பதிவிற்கு நடிகை சமந்தா தரமான பதிலடி கொடுத்துள்ளார்.

தென்னிந்திய திரை உலகில் புகழ்பெற்ற முன்னணி நடிகையாக வலம் வருபவர் நடிகை சமந்தா. இவரது நடிப்பில் அண்மையில் வெளியான யசோதா திரைப்படம் ரசிகர்கள் மத்தியில் வசூல் ரீதியாகவும், விமர்சனம் ரீதியாகவும் நல்ல வரவேற்பை பெற்றிருந்தது. இதனைத் தொடர்ந்து இவரது நடிப்பில் ‘சகுந்தலம்’ என்னும் திரைப்படம் வரும் பிப்ரவரி மாதம் 17ஆம் தேதி திரைக்கு வர இருக்கிறது.

ரசிகர் போட்ட கிண்டலான ட்விட்!!… சமந்தாவின் தரமான பதிலடி வைரல்.!

இப்படம் பற்றிய தகவல் இணையதளத்தில் வெளியாகி வைரலாகி வரும் நிலையில் சமந்தாவின் பதிவை கிண்டல் அடித்து திமிராக பதிவிட்ட ரசிகரின் பதிவு குறித்த தகவல் தற்போது வைரலாகி வருகிறது. அதாவது, கடந்த வாரம் பெண்களை மையப்படுத்தி வெளியான திரைப்படங்களின் பேனர்களை திரையரங்குகளில் வைக்கப்பட்டு இருப்பதை குறித்து “இது பெண்களின் எழுச்சி” என சமந்தா புகைப்படத்துடன் பதிவிட்டு இருந்தார்.

ரசிகர் போட்ட கிண்டலான ட்விட்!!… சமந்தாவின் தரமான பதிலடி வைரல்.!

இந்த பதிவை கண்ட ரசிகர் ஒருவர் “பெண்கள் எழுவது வீழ்வதற்காகத்தான்” என்று கேலி செய்து பதிவிட்டிருக்கிறார். இந்தப் பதிவை கண்ட சமந்தா உடனே, “வீழ்ந்து மீண்டும் எழுவது மேலும் வலிமையாக்கும் நண்பரே” என்று பதிவிட்டு தரமான பதிலடியை கொடுத்துள்ளார். அந்தப் பதிவுகள் தற்போது வைரலாகி வருகின்றன.