‘வண்டியும் ஒருநாள் ஓடத்தில் ஏறும்; ஓடமும் ஒருநாள் வண்டியில் ஏறும்’ என்பதே மாறாத வாழ்வியல்.! இதனை யாவரும் உணர்ந்து, ஒருவருக்கொருவர் அன்பால் இணைவோம்; வாழ்வோம், வாழ வைப்போம்.. என தனது பயண அனுபவங்களில் கற்றதை பகிர்கிறார் தல அஜீத்.
ஆம்., திரைப்படங்களில் நடிப்பதுடன் மட்டுமல்லாது, பைக் ரைடு சென்று வெல்வதில் மிக ஆர்வம் கொண்டவர் ‘தல’ அஜித் என்பது தெரிந்ததே. மேலும் கார் ரேஸிலும் காதல் உள்ளவர். ஏற்கனவே, கார் ரேஸில் கலந்து கொண்ட அஜித், தற்போது மீண்டும் பங்கேற்கவிருக்கிறார் என்பது குறிப்பிடத்தக்கது. அடுத்த ஆண்டு கார் ரேஸில் பங்கேற்க தற்போது பயிற்சி எடுத்து வருகிறார்.
இதற்கிடையே பைக்கில் உலகம் சுற்றி வருகிறார். இந்தியா முழுவதும் பைக்கில் பயணம் செய்துவிட்டார். இந்நிலையில், பயணம் பற்றி அஜித் குமார் பேசிய வீடியோ வெளியாகி வைரலாகியுள்ளது. அந்த வீடியோவில் கூறியிருப்பதாவது:
‘மக்கள், அதிகம் பயணம் செய்ய வேண்டும் என்பதே என் விருப்பம். பயணம் செய்வது சிறந்த கல்வி ஆகும். நாம் சந்திக்காதவர்களை கூட, வெறுக்க வைக்கச் செய்யும் மதம். மதம் மட்டும் அல்ல, சாதியும் அப்படித் தான் என்பார்கள். அது உண்மையே.
நாம் சந்திப்பதற்கு முன்பே மக்களை பற்றி ஒரு முடிவுக்கு வரும் பழக்கம் இருக்கிறது. ஆனால், பயணம் செய்யும்போது பல தரப்பட்ட மக்களை சந்திப்போம். அவர்களுடன் அன்பாக நடந்து கொள்வோம். நம்மை சுற்றி இருப்பவர்களிடமும் அன்பாக நடப்போம். நாம் சிறந்த மனிதராவோம்’ என்றார்.
பயணம் மீது தீராக் காதல் கொண்டவர்கள் அஜித் குமார் சொல்வது மிகவும் சரி என்கிறார்கள். ‘அனுபவக் கல்வி சிறந்தது. பயணம் செய்யும்போது நாம் நிறைய கற்கிறோம்’ என தெரிவித்துள்ளனர்.
வாழ்க்கை பற்றி அழகாக பேசியிருக்கிறார் அஜித். ‘தல.. என்னமா ஆங்கிலத்தில் அழகா பேசுது. உங்களை பார்க்கும்போதே பெருமையாக இருக்கிறது’ என ரசிகர்கள் ஆனந்த கண்ணீர் விட்டுள்ளனர். ‘தல ஏன் இப்படி இருக்காருன்னு இப்ப புரியுது’ என்கிறார்கள்.
‘ஒரு தலைவனாகும் தகுதி உங்களுக்கு இருக்கிறது. ஆனால், அது எல்லாம் வேண்டாம்’ என ஒதுங்கி நிற்கும் உங்களின் மெச்சூரிட்டி வியக்க வைக்கிறது. ஒரு மனிதன் இந்த அளவுக்கு தன்மையாக இருக்க முடியுமா என வியக்க வைத்தவர் நீங்கள். அதற்கு பயணமும் ஒரு காரணம் என தெரியும்போது பெருமையாக உள்ளது. நாங்களும் பயணம் செய்யத் துவங்குவோம் என நெகிழ்ச்சியுடன் ஏ.கே. என ரசிகர்கள் தெரிவித்துள்ளனர்.
‘பயணம் செய்வது, கார் ரேஸுக்கு போவது எல்லாம் சரி. திடீரென்று ஒரு நாள் சினிமாவுக்கு முழுக்கு போட்டுவிடாதீர்கள்’ எனவும் தல ரசிகர்கள் அன்புடன் கோரிக்கை விடுத்துள்ளனர்.
தல.. வருவார்.. தொடர்ந்து தெறிக்க விடுவார், அமர்க்களப்படுத்துவார், நம்புங்க ரசிகர்ஸ்.. அது..!
