பேட்மிட்டன் வீராங்கனை ஜூவாலா குட்டாவுடன் திருமணம் எப்போது என விஷ்ணு விஷால் விளக்கம் அளித்துள்ளார்.
Vishnu Vishal About His Marriage : தமிழ் சினிமாவில் வெண்ணிலா கபடிக்குழு’ படத்தின் மூலம் கதாநாயகனாக அறிமுகமானவர், விஷ்ணு விஷால். ‘பலே பாண்டியா,’ ‘ராட்சசன்,’ ‘முண்டாசுப்பட்டி’ உள்பட பல படங்களில் நடித்து இருக்கிறார். இவர், ஓய்வு பெற்ற போலீஸ் அதிகாரி ரமேஷ் குடவாலாவின் மகன்.
கடந்த சில வருடங்களுக்கு முன்பு நடிகர் கே.நட்ராஜின் மகளை திருமணம் செய்து, பின்னர் விவாகரத்து செய்தார். அதைத்தொடர்ந்து சில நடிகைகளுடன் இவரை இணைத்து கிசுகிசுக்கள் வெளிவந்தன. இதனிடையே, பேட்மிண்டன் வீராங்கனை ஜுவாலா கட்டாவை காதலிப்பதாக விஷ்ணு விஷால் தெரிவித்தார். கடந்தாண்டு இவர்கள் இருவருக்கும் திருமண நிச்சயதார்த்தம் நடந்தது.
இந்நிலையில், திருமணம் எப்போது என நடிகர் விஷ்ணு விஷால் விளக்கம் அளித்துள்ளார். அதாவது ‘வாழ்க்கை எப்போதும் ஒரேமாதிரி இருக்கும் என்று எதிர்பார்க்கக் கூடாது. ஏற்றத்தாழ்வு இருக்கத் தான் செய்யும். ‘பாசிட்டிவ்’ ஆகவே இருக்கவேண்டும் என்று எதிர்பார்க்கக்கூடாது. சோதனைகளைத் தாண்டிப் போகவேண்டும்’ என அப்பா சொல்வார். அதுதான் என் வாழ்க்கையில் நடந்து கொண்டிருக்கிறது. எனக்கும், ஜுவாலா கட்டாவுக்கும் நிச்சயதார்த்தம் நடந்து முடிந்தது. எங்கள் திருமணம் விரைவில் நடைபெறும்’ என்று கூறியுள்ளார்.
