தங்கலான் திரைப்படத்தின் ஸ்பெஷல் அப்டேட் வெளியாக உள்ளது.
கோலிவுட் திரை உலகில் தவிர்க்க முடியாத பிரபல முன்னணி இயக்குனராக வலம் வருபவர் பா.ரஞ்சித். இவர் தற்போது விக்ரம் நடிப்பில் உருவாகி வரும் “தங்கலான்” திரைப்படத்தை இயக்கி வருகிறார். மாளவிகா மோகனன், பார்வதி, பசுபதி உள்ளிட்ட பல முன்னணி நட்சத்திரங்கள் இணைந்து நடித்து வரும் இப்படத்தை ஸ்டூடியோ கிரீன் நிறுவனம் தயாரிக்க ஜிவி பிரகாஷ் குமார் இசையமைத்து வருகிறார்.
பயங்கரமான எதிர்பார்ப்புகளுக்கு மத்தியில் உருவாகி வரும் இப்படத்தின் படப்பிடிப்பு இதுவரை 80 சதவீதம் நிறைவடைந்து இருப்பதாகவும் இன்னும் 25 நாட்களுக்கான படப்பிடிப்பு மட்டுமே நிலுவையில் உள்ளதாகவும் சமீபத்தில் பா.இரஞ்சித் பேட்டி ஒன்றில் தெரிவித்திருந்தார். இந்த தகவல் ரசிகர்களை உற்சாகபடுத்திருந்ததை தொடர்ந்து தற்போது படக்குழு புதிய அப்டேட் ஒன்றை வெளியிட்டுள்ளது.
அதன்படி, நடிகர் விக்ரமின் பிறந்த நாளை முன்னிட்டு வரும் ஏப்ரல் 17ஆம் தேதி இப்படத்தின் ஸ்பெஷல் கிளிம்ப்ஸ் வீடியோ வெளியாக இருப்பதாக படக்குழு அதிகாரப்பூர்வமான தகவலை போஸ்டருடன் வெளியிட்டுள்ளது. இந்த தகவல் ரசிகர்களை குஷிப்படுத்தி வைரலாகி வருகிறது.
