தளபதி 67 படத்தின் டைட்டில் குறித்த அறிவிப்பை படக்குழு வெளியிட்டுள்ளது .

தமிழ் சினிமாவில் முன்னணி நடிகராக வலம் வருபவர் தளபதி விஜய். இவரது நடிப்பில் அடுத்ததாக தளபதி 67 திரைப்படம் உருவாகி வருகிறது. லோகேஷ் கனகராஜ் இயக்கத்தில் அனிருத் திசையில் உருவாகும் இந்த படத்தை 7 ஸ்க்ரீன் ஸ்டுடியோஸ் நிறுவனம் தயாரிக்கிறது. மேலும் இந்த படத்தில் திரிஷா நாயகியாக நடிக்க பிரியா ஆனந்த், சஞ்சய் தத், அர்ஜுன், கௌதம் மேனன், மாதீவ் தாமஸ், மிஷ்கின், மன்சூர் அலிகான் உட்பட பலர் முக்கிய கதாபாத்திரங்களில் நடிக்கின்றனர்.

படம் பற்றிய அடுத்தடுத்து அறிவிப்புகளை தொடர்ந்து படக்குழு வெளியிட்டு வரும் நிலையில் இந்த படத்தின் டைட்டில் இன்று மாலை 5 மணிக்கு வெளியாகும் என்ற அறிவிப்பை நேற்றைய தினம் படகுழு அறிவித்திருந்தது.

அதன்படி இப்படத்தின் டைட்டில் தற்போது வெளியாகியுள்ளது. அதில் இப்படத்திற்கு ‘லியோ’ என்ற தலைப்பு வைக்கப்பட்டுள்ளது. இதனை படகுழு ப்ரோமோ வீடியோவாக பகிர்ந்து இருக்கிறது. அது தற்போது ரசிகர்கள் மத்தியில் இணையத்தில் வைரலாகி வருகிறது.