இந்திய அளவில் மீன் உற்பத்தியில் குஜராத்தை பின்னுக்குத் தள்ளி முதலிடம் பிடித்த தமிழகம்!

Tamil Nadu Push Backed Gujarat : முந்தைய ஆண்டை விட நாட்டின் கடல் மீன் உற்பத்தி 2019 ஆம் ஆண்டில் 2.1% அதிகரித்துள்ள நிலையில், வருடாந்திர மீன் உற்பத்தியில் தமிழகம் குஜராத்தை முந்தியுள்ளது என்று மத்திய கடல் மீன்வள ஆராய்ச்சி நிறுவனம் (CMFRI) தெரிவித்துள்ளது.

தொடர்ச்சியான சூறாவளி புயல்கள் மற்றும் மீன்களின் விலை உயர்வு ஆகியவை கடந்த ஆண்டு ஒப்பீட்டளவில் குறைந்த மீன் பிடிப்புக்கு முக்கிய காரணங்கள் என்று கொச்சியை தலைமையிடமாகக் கொண்ட முதன்மையான கடல் ஆராய்ச்சி அமைப்பு தெரிவித்துள்ளது.

கடந்த ஆண்டு நாடு மொத்தம் 3.56 மில்லியன் டன் (2018 இல் இது 3.49 மி. டன்) என்று CMFRI-யின் கடல் மீன் தரையிறங்கும் அறிக்கை தெரிவித்துள்ளது.

மேலும் இதில் 7.75 லட்சம் டன்னுடன் தமிழகம் முதல் இடத்தைப் பிடித்தது, குஜராத் (7.49 லட்சம் டன்), இரண்டாம் இடம் பிடித்துள்ளது, கேரளா (5.44 லட்சம் டன்) மூன்றாம் இடத்தைத் தக்க வைத்துக் கொண்டது.

ஆய்வின் மற்றொரு முக்கிய சிறப்பம்சம் என்னவென்றால், 2018 ஆம் ஆண்டில் முதல் இடத்தில் இருந்த இந்திய கானாங்கெளுத்தி, அதன் தரையிறக்கங்கள் 43% குறைந்து, பின்னடைவை சந்தித்தன, மேலும் red- toothed triggerfish (2.74 லட்சம் டன் ) முதல் இடத்தை ஆக்கிரமித்துள்ளது.

ரிப்பன் மீன் (2.19 லட்சம் டன்) இரண்டாவது இடத்தில் உள்ளது, cephalopod (2.18 லட்சம் டன்). மலிவான விலை கொண்ட சிறந்த மீனான எண்ணெய் மத்தி முதல் ஐந்து இடங்களில் இடம் பெறவில்லை.

பொது நிவாரண நிதிக்கு வந்த மொத்தத் தொகை எவ்வளவு – தமிழக முதல்வர் அறிவிப்பு

மேற்கு வங்கம் (55%), ஆந்திரா (34%), ஒடிசா (14.5%), கர்நாடகா (11%) மற்றும் தமிழ்நாடு (10.4%) போன்ற மாநிலங்கள் மீன்பிடிப்பில் உயர்வை கண்டுள்ள நிலையில், மகாராஷ்டிராவில் (32%), கோவாவில் பிடிப்பு குறைந்தது (44%) மற்றும் கேரளா (15.4%) முந்தைய ஆண்டை ஒப்பிடும்போது. மொத்தம் 5.44 லட்சம் டன் தரையிறங்கிய கேரளா கடந்த ஆண்டில் 15.4% தரையிறக்கத்தில் குறிப்பிடத்தக்க சரிவை சந்தித்தது. எண்ணெய் மத்தி மற்றும் கானாங்கெளுத்தி பிடிப்பதில் பெரும் சரிவை சந்தித்துள்ளது.

கடந்த ஆண்டு நம் நாட்டிலும் நம் நாட்டை சுற்றியும் உருவான எட்டு சூறாவளி புயல்கள் காரணமாக (Fani in April, Vayu in June, Hika in September, Kyarr in October, Maha in Oct-Nov and Bulbul in Oct-Nov) பாதிப்பு ஏற்பட்டதாக CMFRI தெரிவித்துள்ளது. மீன்பிடி காலங்களில், குறிப்பாக மேற்கு கடற்கரையை மோசமாக பாதிப்படைவதாக தெரிவிக்கப்பட்டுள்ளது.

கடந்த ஆண்டு நாட்டில் மீன் தரையிறக்கத்தின் மதிப்பு ரூ .60,881 கோடியாக இருந்தது, இது 2018 ஐ விட 15.6% அதிகரித்துள்ளது.

சி.எம்.எஃப்.ஆர்.ஐயின் மீன்வள வள மதிப்பீட்டு பிரிவு அதன் ஆன்லைன் தரவு சேகரிப்பு முறை மூலம் வருடாந்திர கடல் மீன் தரையிறக்கங்களை மதிப்பிட்டுள்ளது என்று CMFRI இயக்குநர் டாக்டர் ஏ கோபால கிருஷ்ணன் தெரிவித்தார்.

உலகளவில் கடல் மீன் உற்பத்தியில் சீனா மற்றும் இந்தோனேசியாவுக்கு அடுத்தபடியாக இந்தியா மூன்றாவது இடத்தில் உள்ளது என்பது குறிப்பிடத்தக்கது.