அமைப்பு சாரா தொழிலாளர்களுக்கு என தனி இணையதளம் – தொடர்ந்து அசத்தும் தமிழக அரசின் திட்டங்கள்!

Tamil Nadu Government Scheme for Unorganised Workers : அமைப்புசாரா துறைகளை சேர்ந்த தொழிலாளர்களின் புதிய பதிவுகளுக்காக தொழில் துறை ஆன்லைன் போர்ட்டலைத் தொடங்கியுள்ளது.

முழு ஊரடங்கின் போது, அமைப்புசாரா அமைப்புகளில் பதிவு செய்யப்பட்ட உறுப்பினர்களுக்கு தமிழக அரசு ரூ .1,000 நிதியுதவி மற்றும் இரண்டு முறை ரேஷன் பொருட்களை அளித்தது. தொழில் துறையின் கீழ் உள்ள 17 நல வாரியங்களில் 27.4 லட்சம் தொழிலாளர்கள் பதிவு செய்யப்பட்டுள்ளதாக அதிகாரிகள் தெரிவிக்கின்றனர்.

ஆன்லைனில் புதியதாக பதிவு செய்த ஒரு சில தொழிலாளர்களுக்கு தொழில் துறை ஆணையர் ஆர்.நந்தகோபால் திங்கள்கிழமை புதிய உறுப்பினர் அட்டைகளை வழங்கினார்.

முக்கிய பிரபலங்களின் ட்விட்டர் கணக்கில் கைவரிசையை காட்டிய ஹேக்கர்கள் – உலகம் முழுவதும் பரபரப்பு

தொழிலாளர்கள் ஆன்லைனில் பதிவு செய்து சமூக பாதுகாப்புத் திட்டத்தின் நன்மைகளை அனுபவிப்பதற்காக போர்ட்டலை (http://labour.tn.gov.in) தொடங்குவதற்கான அரசாங்கத்தின் நடவடிக்கையை தொழிலாளர்கள் வரவேற்றுள்ளனர்.

மேலும் தங்களின் நீண்ட கால கோரிக்கை தற்போது நிறைவேறி உள்ளதாகவும் அவர்கள் குறிப்பிட்டுள்ளனர். இனி அமைப்புசாரா தொழிலாளர்கள் வீட்டில் இருந்தே இந்த இணையதளம் மூலமாக தங்களது சேவைகளை பெறலாம் என்பது குறிப்பிடத்தக்கது.