அமரன் படத்தின் மேக்கிங் வீடியோவை சிவகார்த்திகேயன் வெளியிட்டுள்ளார்.
தமிழ் சினிமாவில் முன்னணி நடிகர்களில் ஒருவராக வலம் வருபவர் சிவகார்த்திகேயன். இவர்து நடிப்பில் அமரன் என்ற திரைப்படம் வெளியாக உள்ளது. இதில் சிவகார்த்திகேயனுக்கு ஜோடியாக சாய்பல்லவி நடித்துள்ளார்.
ராஜ்குமார் பெரியசாமி இயக்கத்திலும், ராஜ்கமல் பிலிம்ஸ் நிறுவனம் தயாரிப்பிலும், உருவாகியுள்ள இந்த படத்திற்கு ஜிவி பிரகாஷ் இசையமைத்துள்ளார். மறைந்த ராணுவ வீரர் மேஜர் முகுந்த் வரதராஜன் அவர்களின் வாழ்க்கை வரலாற்று படமாக இந்த படம் உருவாகி வருகிறது.
இதில் சாய் பல்லவி, சிவகார்த்திகேயன், லல்லு, ராகுல் போஸ், ஸ்ரீகுமார், ஷியாம் மோகன் போன்ற பல பிரபலங்கள் இணைந்து நடித்துள்ளனர். இந்தப் படம் அக்டோபர் 31 அன்று தீபாவளியை முன்னிட்டு திரையரங்குகளில் வெளியாக உள்ளது.
இந்த படத்தின் ரிலீஸுக்காக காத்திருந்த ரசிகர்களுக்கு விருந்தாக அமரன் படத்தின் மேக்கிங் வீடியோவை வெளியிட்டுள்ளார் சிவகார்த்திகேயன். இந்த வீடியோ வெளியாகி இணையத்தில் வைரலாகுவது மட்டுமல்லாமல் மக்களிடையே எதிர்பார்ப்பையும் ஏற்படுத்தி வருகிறது.
