நடிகர் சிம்பு நடிக்கும் அடுத்த படத்தின் ஹீரோ மற்றும் படத்தின் பட்ஜெட் என்ன என்பது குறித்த தகவல்கள் வெளியாகி உள்ளன.
தமிழ் சினிமாவில் முன்னணி நடிகராக வலம் வருபவர் சிம்பு. ஈஸ்வரன் படத்தின் மூலம் தனது அடுத்த இன்னிங்ஸை தொடங்கிய இவர் தொடர்ந்து அடுத்தடுத்த படங்களில் நடித்து வருகிறார்.
இறுதியாக இவரது நடிப்பில் வெளியான மாநாடு, வெந்து தணிந்தது காடு உள்ளிட்ட படங்களின் வெற்றியை தொடர்ந்து அடுத்து மார்ச் 30ம் தேதி பத்து தல என்ற திரைப்படம் வெளியாக உள்ளது.
இந்த படத்தைத் தொடர்ந்து நடிகர் சிம்பு அடுத்ததாக மிஷ்கின் இயக்கத்தில் நடிக்க இருப்பதாக தகவல் பரவியது. ஆனால் தற்போது இந்த படத்தை நடிகர் சிம்பு கமல்ஹாசன் தயாரிப்பில் நடிக்க இருப்பதாக தகவல்கள் வெளியாகி உள்ளன.
அது மட்டுமல்லாமல் இந்த படத்தை கண்ணும் கண்ணும் கொள்ளையடித்தால் திரைப்படத்தை இயக்கிய தேசிங்கு பெரியசாமி இயக்க இருப்பதாக சொல்லப்படுகிறது. மேலும் இந்த திரைப்படம் 100 கோடி ரூபாய் பட்ஜெட்டில் உருவாக இருப்பதாக தகவல்கள் வெளியாகி உள்ளது.
இதனால் இந்த படத்தின் மீதான எதிர்பார்ப்பில் தற்போதிலிருந்தே அதிகரித்து வருகிறது.
