நடிகர் சிம்பு வாரிசு திரைப்படத்தில் நடிக்கவில்லை என்ற உறுதியான தகவல் வெளியாகியுள்ளது.
தளபதி விஜய் அவர்கள் வம்சி இயக்கத்தில் தற்போது உருவாகி வரும் வாரிசு திரைப்படத்தில் நடித்து வருகிறார். ராஷ்மிகா மந்தனா, சரத்குமார், யோகி பாபு, பிரபு, குஷ்பூ உள்ளிட்ட பல திரை நட்சத்திரங்கள் நடித்து வரும் இப்படம் வரும் பொங்கல் பண்டிகைக்கு தமிழ், தெலுங்கு என இரண்டு மொழிகளிலும் வெளியாக உள்ளது. இப்படத்தில் தமன் இசையில் உருவாகி இருந்த இரண்டு பாடல்கள் அண்மையில் வெளியாகி இணையத்தை தெறிக்க விட்டு வருகிறது.
இந்நிலையில் வாரிசு படத்தின் இரண்டாவது சிங்கிள் பாடலில் நடிகர் சிம்பு நடித்திருந்தார். இதனால் படத்திலும் நடிகர் சிம்பு கேமியோ ரோலில் நடித்திருப்பார் என்ற தகவல் இணையத்தில் வேகமாக பரவியது. தற்போது இது குறித்து நடிகர் சிம்புவின் நெருங்கிய நண்பர்கள் அந்த தகவல் முற்றிலும் தவறானது, சிம்பு இப்படத்தில் நடிக்கவில்லை என்பதை உறுதியாக கூறி இந்த வதந்திகளுக்கு முற்றுப்புள்ளி வைத்துள்ளனர்.
