நடிகர் கார்த்தியின் குரலில் உருவாகி இருக்கும் சர்தார் திரைப்படத்தின் “ஏறுமயிலேறி” என்ற பாடலின் லிரிக்ஸ் வீடியோ வெளியாகி உள்ளது.
மணிரத்தினத்தின் பொன்னியின் செல்வன் தரைப்படத்தின் வெற்றியைத் தொடர்ந்து நடிகர் கார்த்தி நடிப்பில் அடுத்ததாக திரைக்குவர தயாராக இருக்கும் திரைப்படம் தான் “சர்தார்”. இப்படத்தை பி.எஸ்.மித்ரன் இயக்கியுள்ளார். இப்படத்தில் மிரட்டலான வில்லன் கதாபாத்திரத்தில் பிரபல இந்தி நடிகர் சங்கி பாண்டே நடிக்க ராஷிகண்ணா, ரெஜிஷா விஜயன், லைலா, யுகி சேது, முனிஷ்காந்த், மாஸ்டர் ரித்விக், அவினாஷ், முரளி ஷர்மா மற்றும் பலர் முக்கிய கதாபாத்திரங்களில் நடித்துள்ளனர்.
ஜிவி பிரகாஷ் குமார் இசையமைப்பில் உருவாகியுள்ள இப்படத்தை பிரின்ஸ் பிக்சர்ஸ் தயாரித்துள்ளது. இப்படம் அக்டோபர் மாதம் 21 ஆம் தேதி தீபாவளி பண்டிகை முன்னிட்டு வெளியாக உள்ள நிலையில் இப்படத்தின் டீசர் சமீபத்தில் வெளியாகி அனைவரின் கவனத்தை ஈர்த்து 7.6 மில்லியன் பார்வையாளர்களை கடந்து யூடியூபில் முதலிடம் பிடித்துள்ளது. இந்நிலையில் இப்படத்தில் நடிகர் கார்த்தி பாடி உள்ள முதல் பாடலான “ஏறுமயிலேறி” என்ற பாடலின் லிரிக்ஸ் வீடியோ வெளியாகி உள்ளது.
