rajasthan vs punjab – ஐபிஎல்., தொடரின் நான்காவது லீக் போட்டியில், ராஜஸ்தான் ராயல்ஸ் அணி, கிங்ஸ் லெவன் பஞ்சாப் அணியை எதிர்கொள்கிறது.
இந்தியாவில் கடந்த 2008 முதல் ஆண்டுதோறும் உள்ளூர் டி-20 கிரிக்கெட் தொடரான இந்தியன் பிரீமியர் லீக் (ஐ.பி.எல.,) கிரிக்கெட் தொடர் நடக்கிறது. இந்த ஆண்டுக்கான 12வது தொடர் சென்னையில் துவங்கியது.
லீக் போட்டிகளுக்கான முழு அட்டவணை பிசிசிஐ., வெளியிட்டுள்ளது. வரும் மே 5ம் தேதி வரை லீக் போட்டிகள் நடக்கிறது.
இன்னும் நாக் -அவுட் சுற்றுப்போட்டிக்கான அட்டவணையை வெளியிடவில்லை.
இந்நிலையில் ஜெய்பூரில் இரவு 8 மணிக்கு துவங்கும் நான்காவது லீக் போட்டியில் ராஜஸ்தான் ராயல்ஸ் அணி, கிங்ஸ் லெவன் பஞ்சாப் அணியை எதிர்கொள்கிறது.
ராஜஸ்தான் ராயல்ஸ் அணிக்கு நட்சத்திர பேட்ஸ்மேன் ஸ்டீவ் ஸ்மித்தின் வருகை கூடுதல் பலத்தை சேர்த்துள்ளது.
தவிர, சூப்பர் பார்மில் உள்ள, ஆஸ்டன் டர்னர், ஆசேன் தாமஸ் ஆகியோர் அணியில் இருப்பது மிகச்சிறப்பான விஷயம்.
கடந்த ஆண்டில் இருந்த அணியை விட தற்போதுள்ள அணி கூடுதல் பலத்துடன் இருப்பதால், இந்த ஆண்டு கோப்பை வெல்லும் கனவில் உள்ளது.
பஞ்சாப் அணியை பொறுத்தவரையில் மைக் ஹசன் பயிற்சியாளர் பொறுப்பேற்றுள்ளதால், அந்த அணியின் உக்திகளை மாற்றலாம்.
சமீபகாலமாக சூப்பர் பார்மில் உள்ள கிறிஸ் கெயில் இன்று அதிரடி காட்டலாம். தவிர, அஷ்வின், வருண் சக்கரவர்த்தி ஆகியோர் சுழலில் மிரட்டலாம்.
ஐபிஎல்., கிரிக்கெட் தொடரில் இரு அணிகளும் இதுவரை 17 முறை மோதியுள்ளது. அதில் ராஜஸ்தான் ராயல்ஸ் அணி அதிகபட்சமாக 10 முறை வென்றுள்ளது. கிங்ஸ் லெவன் அணி 7 முறை வென்றுள்ளது.
இன்றைய போட்டி சொந்த மண்ணில் நடப்பது ராஜஸ்தான் அணிக்கு மிகப்பெரிய பலமாக கருதப்படுகிறது.
இருந்தும் இதுவரை ஜெய்பூரில் நடந்த 5 போட்டியில் கிங்ஸ் லெவன் பஞ்சாப் அணி வெற்றி பெற்றதே இல்லை.
அந்த அவ பெயரை இந்த முறை மாற்றுமா பஞ்சாப் அணி?என்பது இன்று மாலை தெரிய வரும்.
