பிரபல நடிகையான பிரியா பவானி சங்கர் தனக்கு பிடித்த விஷயங்களை மனம் திறந்து பகிர்ந்திருக்கிறார்.

செய்தி வாசிப்பாளராக தனது பயணத்தை ஆரம்பித்து சின்னத்திரை சீரியல் மூலம் பிரபலமாகி தனது சிறந்த நடிப்பினால் தற்போது வளர்ந்து வரும் பிரபல நடிகையாக இருப்பவர்தான் பிரியாபவானி சங்கர். இவர் தமிழ் சினிமாவில் “மேயாத மான்” என்ற படத்தின் மூலம் அறிமுகமானார். இதில் கிடைத்த நல்ல வரவேற்பு தொடர்ந்து ‘கடைக்குட்டி சிங்கம், மான்ஸ்டர், கோமண பெண்ணே’ என்று வரிசையாக சில படங்களில் நடித்திருந்தார்.

இதனை அடுத்து தற்போது இவர் நடிப்பில் வெளியான படம் தான் “யானை”. ஹரி இயக்கத்தில் அருண் விஜய்க்கு ஜோடியாக நடித்துள்ளார். இப்படம் விமர்சன ரீதியாகவும், வசூல் ரீதியாகவும் மக்களிடையே நல்ல வரவேற்பை பெற்று திரையரங்கில் ஓடிக்கொண்டிருக்கிறது.

இந்நிலையில் தனது சமூக இணையதள பக்கத்தில் அவ்வப்போது புகைப்படங்கள், வீடியோக்கள் மற்றும் திரைப்படங்கள் குறித்த தகவல்கள் போன்றவற்றை பதிவிட்டு வருவார். தற்போது ப்ரியா பவானி சங்கர் தனக்கு பிடித்த விஷயங்கள் இதுதான் என்று மனம் விட்டு பகிர்ந்திருக்கிறார்.

அதாவது தனக்கு மிகவும் பிடித்த நடிகர் மாதவன், பிடித்த ஹீரோயின் பார்வதி, பிடித்த உணவு பிரியாணி, பிடித்த லவ் ப்ரோபோசல் சீன் காக்க காக்க, பிடித்த திரைப்படம் முகவரி, பிடிக்க வில்லன் அருண் விஜய், பிடித்த இயக்குனர் வெற்றிமாறன், பிடித்த வசனம் ஆறுச்சாமி, பிடித்த நிறம் கருப்பு, பிடித்த காமெடி நடிகர் வடிவேலு, பிடித்த இடம் சென்னையில் உள்ள என் வீடு, பிடித்த உடை டிராக்ஸ் பேண்ட் அண்ட் டிஷர்ட் என்று வரிசையாக தனக்கு பிடித்த விஷயங்களை பகிர்ந்து இருக்கிறார். இதனை பார்த்த ரசிகர்கள் போதும் போதும் லிஸ்ட் ரொம்ப பெருசா போயிட்டு இருக்கு என்று கமெண்ட் செய்தபடி இணையத்தில் வைரலாக்கி வருகின்றனர்.