தங்கலான் திரைப்படத்தின் OTT உரிமை குறித்த தகவல் வெளியாகியுள்ளது.
தென்னிந்திய சினிமாவில் பிரபல நடிகராக விளங்கி வருபவர் சியான் விக்ரம். டப்பிங் ஆர்டிஸ்ட் ஆக பயணத்தை தொடங்கி இன்று முன்னணி நடிகர்களில் ஒருவராக இடம் பிடித்துள்ள இவரது நடிப்பில் வெளியாகும் பல்வேறு திரைப்படங்கள் ரசிகர்கள் மத்தியில் பெரிய அளவில் வெற்றியை பெற்றுள்ளன.
சியான் விக்ரம் நடிப்பில் இறுதியாக வெளியான மகான், பொன்னியின் செல்வன் உள்ளிட்ட படங்கள் வெற்றியை தொடர்ந்து அடுத்ததாக பா ரஞ்சித் இயக்கத்தில் உருவாகி உள்ள தங்கலான் திரைப்படம் வெளியாக உள்ளது.
மாளவிகா மோகனன் உட்பட பல நட்சத்திரங்கள் இணைந்து நடித்துள்ள இந்த திரைப்படம் கேஜிஎப் படத்தில் இடம்பெறும் மனிதர்களின் வாழ்க்கையை பற்றியதாக இருக்கும் என இயக்குனர் பா ரஞ்சித் வெளிப்படையாக தெரிவித்து இருந்தார்.
மிகப் பிரமாண்டமாக உருவாகியுள்ள இந்த படத்தின் OTT உரிமையை netflix நிறுவனம் கிட்டத்தட்ட 35 கோடி ரூபாய் கொடுத்து கைப்பற்றி இருப்பதாக தகவல் வெளியாகி உள்ளது.