விஜய் படத்தில் கெஸ்ட் ரோலில் சூப்பர் ஸ்டார் நடிகர் ஒருவர் நடிக்க இருப்பதாக தகவல் வெளியாகியுள்ளது.
தென்னிந்திய சினிமாவின் முன்னணி நடிகராக வலம் வருபவர் தளபதி விஜய். இவரது நடிப்பில் இறுதியாக வெளியான பீஸ்ட் திரைப்படம் கலவையான விமர்சனங்களைப் பெற்றது. இந்தப் படத்தைத் தொடர்ந்து தற்போது வம்சி இயக்கத்தில் உருவாகிவரும் தளபதி அறுபத்தி ஆறு என்ற படத்தில் நடித்து வருகிறார்.
இந்த படத்தின் படப்பிடிப்புகள் விறுவிறுப்பாக நடந்து வருகின்றன. விஜய்க்கு ஜோடியாக ராஷ்மிகா மந்தனா நடிக்கிறார். நடிகர் பிரபு, பிரகாஷ்ராஜ், சரத்குமார், யோகி பாபு உட்பட பல நடிகர்கள் இந்த படத்தில் நடித்து வருகின்றனர். விஜய்க்கு அம்மாவாக ஜெயசுதா நடிக்கிறார்.
மேலும் இந்த படத்திற்கு தமன் இசையமைத்து வருகிறார். இந்த நிலையில் தற்போது இந்த படத்தில் தெலுங்கு சூப்பர் ஸ்டார் மகேஷ் பாபு அவர்களை கெஸ்ட் ரோலில் நடிக்க வைக்க படக்குழு திட்டமிட்டு வருவதாக தகவல் வெளியாகியுள்ளது. இதனால் ரசிகர்கள் உற்சாகமடைந்துள்ளனர்.
மேலும் இந்த படத்தின் ஃபர்ஸ்ட் லுக் போஸ்டர் விஜய்யின் பிறந்த நாளான ஜூன் 22ஆம் தேதி வெளியாகும் எனவும் எதிர்பார்க்கப்படுகிறது.