Maayon Chapter 2 to begin soon
Maayon Chapter 2 to begin soon

டைட்டில் லுக் போஸ்டர் உடன் மாயோன் படத்தின் இரண்டாம் பாகத்திற்கான அறிவிப்பு வெளியாகி உள்ளது.

தமிழ் சினிமாவில் அருண்மொழி மாணிக்கம் அவர்களின் கதை திரைக்கதை தயாரிப்பில் மிக பிரம்மாண்டமாக வெளியாகி மிகப்பெரிய வரவேற்பை பெற்ற திரைப்படம் மாயோன்.

இந்த படம் வெளியாகி ஒரு வாரம் ஆன நிலையில் தொடர்ந்து மக்கள் மத்தியில் நல்ல வரவேற்பை பெற்று வருகிறது. இதுவரை தமிழ் சினிமா பார்க்காத கதையாக இருப்பதாக மக்கள் பலரும் பாராட்டி வருகின்றனர். இந்த நிலையில் படத்தின் தயாரிப்பாளர் சமீபத்தில் அளித்த பேட்டி ஒன்றில் மாயோன் படத்தின் இரண்டாம் பாகம் உருவாக உள்ளது அதை நானே இயக்கலாம் என முடிவு எடுத்து இருக்கிறேன் என தெரிவித்திருந்தார்.

அதன்படி மாயோன் சேப்டர் 2 படத்தின் புதிய போஸ்டருடன் அதிகாரப்பூர்வ அறிவிப்பு வெளியாகியுள்ளது. தமிழ், தெலுங்கு, மலையாளம், இந்தி, கன்னடம் என 5 மொழிகளில் இந்த படம் அடுத்த வருட தீபாவளிக்கு வெளியாகும் என அறிவிக்கப்பட்டுள்ளது. படத்தின் போஸ்டரில் இடதுபுறம் போகர் சிலை நடுவில் நவபாசன சிலை வலது புறம் இயேசு நாதர் சிலை இருப்பது போல உருவாக்கப்பட்டுள்ளது.

மேலும் போஸ்டரில் ஆங்காங்கே வேல் இருப்பது போல உருவாக்கப்பட்டுள்ளது. இதனால் இது எந்த மாதிரியான கதை? முதல் பாகத்தில் பெருமாள் பற்றி பேசி இருந்த நிலையில் இரண்டாம் பாகத்தில் முருகனை மையமாகக் கொண்டு திரைப்படம் உருவாகியுள்ளதா என்ற பல்வேறு கேள்விகள் படத்தின் மீதான எதிர்பார்ப்பை உச்சத்திற்கு கொண்டு சென்றுள்ளன. அதுமட்டுமல்லாமல் படத்தின் போஸ்டரில் நடிகர்கள் டெக்னீசியன்கள் என யாருடைய பெயரும் இடம்பெறவில்லை. இதனால் இந்தப் படம் பெரிய நடிகர்கள் மிகப் பிரபலமான டெக்னீஷியன்களை கொண்டு உருவாக இருப்பதாகவும் சொல்லப்படுகிறது.

மேலும் மாயோன் படத்தின் வெற்றியை தொடர்ந்து அதன் இரண்டாம் பாகம் குறித்த அறிவிப்பு வெளியாகி உள்ளதால் தொடர்ந்து மூன்றாம் பாகம் என அடுத்தடுத்து பாகங்கள் வெளியாகுமா என்ற கேள்வியும் ரசிகர்கள் மத்தியில் எழுந்துள்ளது.

டைட்டில் லுக் போஸ்டர் உடன் வெளியான மாயோன் சேப்டர் 2 அறிவிப்பு - எதிர்பார்ப்பை எகிற வைத்த போஸ்டர்