மாவீரன் படத்தை கைப்பற்றியுள்ளது பிரபல டிவி நிறுவனம்.
தமிழ் சின்னத்திரையில் சாதாரண மிமிக்ரி ஆர்டிஸ்ட் ஆக பயணத்தை தொடங்கி படிப்படியாக வளர்ந்து தற்போது தமிழ் சினிமாவின் தவிர்க்க முடியாத நடிகராக வளர்ந்துள்ளார் நடிகர் சிவகார்த்திகேயன்.
இவரது நடிப்பில் வெளியாகும் படங்கள் ரசிகர்கள் மத்தியில் நல்ல வரவேற்பை பெற்று வருகின்றன. இந்த நிலையில் அடுத்ததாக இவரது நடிப்பில் மடோன் அஸ்வின் இயக்கத்தில் உருவாகியுள்ள மாவீரன் திரைப்படம் வெளியாக உள்ளது.
இந்த படத்தில் சிவகார்த்திகேயனுக்கு ஜோடியாக அதிதி சங்கர் நடித்துள்ளார். சாந்தி டாக்கிஸ் நிறுவனம் தயாரிப்பில் உருவாகி உள்ள இந்த திரைப்படத்தின் டப்பிங் பணிகளை சிவகார்த்திகேயன் சமீபத்தில் முடித்திருந்தார்.
இந்த நிலையில் தற்போது இந்த படத்தின் சாட்டிலைட் உரிமையை பிரபல தொலைக்காட்சி நிறுவனமான சன் டிவி கைப்பற்றி இருப்பதாக அதிகாரப்பூர்வ அறிவிப்பு வெளியாகி உள்ளது.
இதன் காரணமாக படத்தின் பிரமோஷன் வேற லெவல் இருக்கும் என சிவகார்த்திகேயன் ரசிகர்கள் உற்சாகம் அடைந்துள்ளனர்.
