இயக்குனர் லோகேஷ் கனகராஜன் பிறந்த நாளை லியோ படபிடிப்பு தளத்தில் படக்குழுவினர் கொண்டாடியுள்ளனர்.
தமிழ் சினிமாவில் தவிர்க்க முடியாத முன்னணி இயக்குனராக வலம் வருபவர் லோகேஷ் கனகராஜ். மாநகரம் திரைப்படத்தின் மூலம் இயக்குனராக அறிமுகமான இவர் கைதி, மாஸ்டர், விக்ரம் உள்ளிட்ட வெற்றி திரைப்படங்களை இயக்கி ரசிகர்கள் மத்தியில் தனக்கென தனி இடம் பிடித்து பிரபலமானார்.
இவர் தற்போது தளபதி விஜயின் 67வது திரைப்படமான லியோ திரைப்படத்தை இயக்கி வருகிறார். பலத்த எதிர்பார்ப்புகளுக்கு மத்தியில் பல உச்ச நட்சத்திரங்களோடு உருவாகி வரும் இப்படத்தின் படப்பிடிப்பு காஷ்மீரில் தீவிரமாக நடைபெற்று வருகிறது.
இந்நிலையில் இயக்குனர் லோகேஷ் கனகராஜ் இன்று தனது 37-வது பிறந்தநாளை லியோ படக்குழுவினரோடு மகிழ்ச்சியாக கொண்டாடி இருக்கிறார். அதன் புகைப்படங்கள் தற்போது இணையத்தில் வெளியாகி ரசிகர்களால் வாழ்த்துக்களை குவித்து வைரலாகி வருகிறது.
