K V Kathirvelu Condolences to Mano Bala : தமிழ் சினிமாவில் நடிகர், இயக்குனர், தயாரிப்பாளர் என பன்முக திறமைகளுடன் வலம் வருபவர் மனோ பாலா.
69 வயதாகும் இவர் உடல்நல குறைபாட்டால் பாதிக்கப்பட்டு இன்று உயிரிழந்தார். இவரது மறைவுக்கு ரசிகர்கள், திரையுலக பிரபலங்கள் என பலரும் இரங்கல் தெரிவித்து வருகின்றனர்.
இந்த நிலையில் பிரபல இயக்குனர் கே வி கதிர்வேலு அவர்கள் மனோ பாலா மரணம் குறித்து உருக்கமாக பதிவு செய்துள்ளார்.
அதாவது, மரண வேதனையிலும் படப்பிடிப்பு தளம் வந்து படுத்தபடியே “என்னால முடியலடா! மருத்துவமனைக்கு போய் வருகிறேன்” என சொல்லி விட்டு போனவரே இப்படி சொல்லாமல் போவது முறையா?
கடைசி பிறந்த நாளை எம்மோடு கொண்டாடி விட்டு இப்படி நடுவழியில் திண்டாட விட்டு விட்டு போதல் சரியா?
காலங்கள் கடந்தாலும் கடைசியாய் நடித்து எங்களோடு வாழ்ந்த கணங்கள் என்றும் எங்கள் நினைவில் நிலைத்து நிற்கும் என தனது இரங்கலை தெரிவித்துள்ளார்.
