ஜெய்லர் திரைப்படத்தின் ரிலீஸ் தேதி குறித்த அப்டேட் வைரலாகி வருகிறது.
இந்திய திரை உலகில் சூப்பர் ஸ்டாராக வலம் வருபவர் நடிகர் ரஜினிகாந்த். இவர் தற்போது கோலமாவு கோகிலா, டாக்டர், பிஸ்ட் உள்ளிட்ட திரைப்படங்களை இயக்கி பிரபல இயக்குனராக திகழும் நெல்சன் திலிப் குமார் இயக்கத்தில் உருவாகி வரும் ஜெயிலர் திரைப்படத்தில் நடித்து வருகிறார் .
சன் பிக்சர்ஸ் நிறுவனம் தயாரிப்பில் அனிருத் இசையமைப்பில் உருவாகி வரும் இப்படத்தில் ரம்யா கிருஷ்ணன், சிவராஜ் குமார், சுனில், மோகன்லால், ஜாக்கி ஷெராப், தமன்னா, யோகி பாபு உள்ளிட்ட பலமொழி உச்ச நட்சத்திரங்கள் முக்கிய கதாபாத்திரங்களில் நடித்து வருகின்றன. பலத்த எதிர்பார்ப்புகளுக்கு மத்தியில் உருவாகி வரும் இப்படத்தின் படப்பிடிப்பு பணிகள் இறுதி கட்டத்தை எட்டி இருப்பதாக தகவல் சமீபத்தில் வெளியாகி வைரலானதை தொடர்ந்து தற்போது இப்படத்தின் லேட்டஸ்ட் அப்டேட் வெளியாகி அனைவரையும் உற்சாகப்படுத்தி வருகிறது.
அதன்படி, ஜெய்லர் திரைப்படத்தை வருகிற ஆகஸ்ட் 10ம் தேதி திரையரங்குகளில் வெளியிட படக்குழு திட்டமிட்டுள்ளதாக தகவல் வெளியாகியுள்ளது. இதனால் உற்சாகமடைந்த ரசிகர்கள் இதன் அதிகாரபூர்வமான அறிவிப்பிற்காக மிகுந்த ஆர்வத்துடன் காத்துக் கொண்டிருக்கின்றனர்.
